Pheka loMaNkala…Akuzwe isijeza esile-butternut

28 Jun, 2018 - 00:06 0 Views
Pheka loMaNkala…Akuzwe isijeza esile-butternut

uMthunywa

Inengi ngileqiniso liyasazi isijeza ngoba phela yikho ukudla kwesintwini esikhule sikudla sonke. Kodwa balihlekana asebeke basidla sile-butternut, ayisibunandi lobu, uyaziquma ulimi.

Okudingakalayo
– Ingxenye yejodo

-butternut

– Amankomitsho amathathu amanzi

-Amankomitsho amabili loba amathathu empuphu

-Uchago olujiyileyo

-Itshukela

-Uphehlo

-Uphini

Ukupheka

– Sikelela ijodo le-butternut libeyiziqa ezincane ukhiphe lentanga.

-Faka iziqa lezi zejodo embizeni enkulu uthele lamankomitsho amathathu amanzi.

-Kwekele kuxhwathe, nxa sokubuthakathaka thatha uphehlo uphehle kubelula kuhlangane kungasali iziqa eziqinileyo ukuze ilambazi liphekeke kuhle.

-Nxa sokuhlangene lokhu sungathela itshukela kanye lempuphu uphehle njalo kodwa kungajiyi ukuze kuxhwathe.

-Vala imbiza wekele kuxhwathe okwemizuzu engaba litshumi.

-Nxa sokuxhwathile bonda nje kodwa ungajiyisi kakhulu njengesitshwala, vala imbiza njalo ngemva kwemizuzwana kuyabe sokuvuthiwe.

– Sungephula imbiza yakho-ke.

Ukudliwa

Njengoba sokuqanda nje isijeza yikho ukudla okuhlabusa ngalesi isikhathi imuli ikwejisile iwothe umlilo.

Siyadliwa loba ngasiphi isikhathi njalo simnandi sithelwe uchago olujiyileyo, nxa lungekho loluluhlaza luyavuma.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds