Uncategorized

Phansi ngokuhlukunyezwa kwabesifazane

14 Mar, 2019 - 00:03 0 Views
Phansi ngokuhlukunyezwa  kwabesifazane UNkosikazi Christine Nyathi

uMthunywa

Musa Janga

INHLANGANISO yeWomen Affairs isikhuthaze uzulu wonke ukuba ancedise ekuvikeleni ukuhlukunyezwa kwabesifazane elizweni lonke jikelele.

Ekhuluma kumhlangano obekhona ngoLwesihlanu olwedluleyo  uNkosikazi Christine Nyathi oweWomen Affairs esigabeni seMatobo ubike ukuthi ukuhlukunyezwa kwabesifazane kuyanda esigabeni seMatobo.

“Ukuhlukunyezwa kwabesifazane emacansini kuyanda esigabeni sethu. Kulamacala amanengi okudlwengulwa kwamantombazane amancane bona kwesinye isikhathi bedlwengulwa ngamajaha abo, omakhelwane kanye lezihlobo zabo. 

“Lokhu kudala ukuzithwala okungafunakaliyo, ukwenda bebancane kanye lokuthelelwana kwegcikwane leHIV kubangelwa yikungazivikeli kanye lokuhlangana emacansini lomuntu elitshiyene kakhulu iminyaka,” kulandisa uNkszn Nyathi.

Ubuye wathi okwenza ukuhlukumezeka kwabesifazane esigabeni sabo kukhwele kwesinye isikhathi ngobaba abanatha izigubhu zemithi.

“Kulamadoda anatha izigubhu okuthiwa ngezokuziqinisa umzimba ngakho bacina bebamba abesifazana ngamandla besiya labo emacansini bengafuni,” kuchaza uNkszn Nyathi.

Uqhubeke esithi esigabeni sabo seMatobo sebenze imizamo yokuthi amacala okuhlukunyezwa kwabesifazane ehle.

“Kudala kwakusithi kungaba lamacala okudlwengulwa kwabesibafazane esigabeni kwakuhlawuliswana izifuyo indaba iphelele lapho kodwa khathesi sesike sahlala phansi lezinduna, osobhuku kanye labanye abaphathi besigabeni sibafundisa ngokuthi amacala anjalo enziwani. Kumele bawadlulisele phambili kwabomthetho,” kulandisa uNkszn Nyathi

Uphethe ngokuthi kumele ukuhlukunyezwa kwabesifazane kuphele hatshi eMatobo kuphela kodwa elizweni lonke jikelele.

“Kumele sibambane siqede ukuhlukunyezwa kwabesifazane elizweni lethu,” kuphetha uNkszn Nyathi.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds