Phansi ngeChiefs. . .idliwa yiTS Galaxy

23 May, 2019 - 00:05 0 Views
Phansi ngeChiefs. . .idliwa yiTS Galaxy

uMthunywa

YENZE isimanga iTS Galaxy isiba liqembu lokuqala elidlala kuNational First Division ukunqoba inkomitsho yePremier Soccer League idlala iNedbank Cup ngokuguqisa iKaizer Chiefs nge 1-0.

Ibhola elihlohlwe yi-The Rockets kube ngumbekwa obaselwe ngokuthanda komthakathi owake wadlalela i-Orlando Pirates, uZakhele Lepasa.

Kungenzeka abanye bakhale  ngo-Athenkosi Tom okunguye obeke umbekwa ozale ibhola ilihlohlwe yi-The Rockets ngomzuzu wesi-90.

IChiefs itheleke eThekwini kumince uwonke wonke, ikakhulukazi iziphathimandla okubalwa kuzo abakhokheli beqembu labeTheku.

Lokho kungenxa yokuthi umdlalo lo ubukhumbuza wonke umuntu intuthu eyathunqa ngoMabasa nyakenye abalandeli beMpofana betshisa inkundla bedinwa yikukhitshwa ku-semi final yendebe efanayo yiFree State Stars.

Sekungumnyama kuKaizer Chiefs esifike kumdlalo we-final yalinkezo kanenginengi.

IChiefs yaqala lumdlalo ihlokoma inkundla, kuqwakaza inkundla amakhwelo etshaywa, kusenziwa le-Mexican Wave. Kodwa ekucineni besekumince ngisho izinhlanzi ku-Indian Ocean ngemizuzu yesi-85 sekucaca ukuthi zibheke esikhathini esengeziweyo abadlali beChiefs.

Bebengazi ukuthi izaphetha ingu 1-0.

Ngale kokugqamisa impumela le, enye yezinto okumele abantu benguqu bayazi, wukuthi amaqembu abegijimisana iTS Galaxy leChiefs aphethwe ngabantu abamnyama.

Umnikazi weChiefs, uKaizer Motaung useke wahlonitshwa ngomklomelo ongomunye emkhulu eSouth Africa enikwa izakhamuzi okungama-Order.

Laye usihlalo weGalaxy nguTim Sukazi, osenguqweqwe ongumnikazi weqembu le-TS Galaxy kumele athole inhlonipho efanayo.

UMotaung yingcitshi kanobhutshuzwayo waseMzansi edlale ku-Orlando Pirates, okuyizimbangi ezinkulu zeChiefs.

USukazi uzakhele ibizoa kunobhutshuzwayo ngokuphatha indaba zabadlali ngaphansi kwenkampani yakhe, iQuality Talent Sports.

— Ubulembu

Share This:

Sponsored Links