Uncategorized

‘Owakhetsha’ isipoko uchaza ngesehlakalo

20 Jun, 2024 - 00:06 0 Views
‘Owakhetsha’ isipoko uchaza ngesehlakalo imota yendoda eyakhetsha isipoko

uMthunywa

Yintatheli kaMthunywa

INDODA eleminyaka engu-33 yokuzalwa yeGweru eyavuka ngoLweSihlanu imise imota emangcwabeni eMkoba 9 okubikwa yayikhetshe elinye inina isiveze ukuthi kayikwazi ukuthi yafika njani emangcwabeni la ngoba yayidakiwe.

UNaison Batia uthi wadakwa okwedlulisileyo ngokunjalo kakwazi ukuthi kwahamba njani ukuze acine esesemangcwabeni la.

“Lapho engamisa khona imota yami endaweni yakhona kwakulesibane kungathi kusemalokitshini njalo ngangena ngesango,” utsho njalo.

Kusenjalo uBatia uyalandula ukuthi wayezwanane lowesifazana owenza umsebenzi wokuthengisa umzimba. Kodwa abanye abazi ngendaba le bathi uBatia wayenatha utshwala kwenye indawo yokuzithokozisa lapho amane wakhuluma lelinye inina elithengisa umzimba elaligqoke impahla ezingela sizotha, phandle kwebhawa le.

“Inina ahamba lalo yisipoko sowesifazana owayesenza umsebenzi wokuthengisa umzimba, owafa kuminyaka edluleyo. Yiso isipoko esahamba lendoda le engcwabeni laso eMkoba 9,” kutsho omunye owazi ngendaba le.

UKhansila wendawo le, uAdmire Paradza uthe bamangala bebona indoda imise imota yayo phezulu kwengcwaba.

“Sacina sibiza inkampani edonsa imota eziyabe zifile ukuthi izodonsa imota le njalo umnikazi kachasisi ngokwenzakalayo,” kutsho uKhansila Paradza.

 

 

Share This:

Sponsored Links

Survey


We value your opinion! Take a moment to complete our survey

This will close in 20 seconds