YiNtatheli kaMthunywa
OWAKE wadlalela iZimbabwe Saints leDynamos, u-Agent “Ajira” Sawu usengumsekeli kamqeqetshi weHighlanders.
USawu wenze imbali ngokuba ngumdlali wakuqala weZimbabwe Saints ukuqeqetsha iBosso.
Inkokheli zeBosso zibike ngoLwesibili ukuthi sezivumelane ukuqhatsha uSawu.
Umqeqetshi lo uphethe izithupha ezinengi zokuqeqetsha umdlalo njalo wake wadlalela kumaqembu aphetsheya kwelizwe eSwitzerland, China laseSouth Africa.
Ngokungena kwakhe kuHighlanders, uhle waqala umsebenzi ngaphansi kukamqeqetshi uKelvin Kaindu ngoLwesithathu.
USawu wadlalela amaWarriors okwamahlandla angu-75. Udlale kuZimbabwe Saints ngesizini ka-1989-91 lango-1993. IDynamos wayidlalela ngo-2003. Wangena lakuqembu leBushbuck eSouth Africa ngo-2005-2006 leDurban Stars ngo-2006-07.
Ekuqeqetsheni inguqu, nguye okhuza abafana abasakhulayo abamele ilizwe kuhlandla lama-Under-15. Udlule lakuBantu Academy.
