Omahlekisa bahlangabeza ukhetho lwesizwe

26 Jul, 2018 - 00:07 0 Views
Omahlekisa bahlangabeza ukhetho lwesizwe Ntando-Van-Moyo

uMthunywa

Arnold Ndlovu
IQULA labomahlekisa bakoBulawayo elibizwa Mahlekisa Comedy Club seliqoqe umcimbi lapho abazahlanganisa khona abantu ukuthi bazozijabulisa ngaphambi kokuthi bayevota ngoMvulo weviki ezayo.

Umcimbi lo obizwa ngokuthi The Funny Ballot Comedy Night uzakubakhona ngoLwesihlanu mhlaka 26 Ntulikazi e-The Vista.

Umsunguli kaMahlekisa uNtando Van Moyo uthe umcimbi lo bawenzele ukuthi abantu bahambe ekhethweni bejabula njalo banxusa abantu ukuthi beze ngobunengi babo.

“Umcimbi lo njengoba silanda impelaviki ende sibone ukuthi kuhle siyiqalise thina njengaboMahlekisa, okunye okubangela ukuthi enze umcimbi ofana lalo yikuthi sigijimela ekhethweni elizweni njalo abantu bazaqunjwaqunjwa baze babulawe zimbambo ngenkulumo ezihambelana lokhetho esiya kulo sikhangela ama-manifesto kanye labaphatheka kukhetho.

“Sifuna nje ukuzijabulela sihleke sibavezele thina esicabanga ukuthi bazabakhetha lokuthi kungenzakalani ngemva kokhetho.

Uqhubekele phambili waveza ukuthi njengoba umcimbi lo usenzelwa ukhetho bazakhangela indlela labo abafuna ukuvotelwa akade bekhanga ngayo abantu ukuthi babavotele.

“Njengoba lonyaka ukhetho lweZimbabwe lungenelwe ngabantu abanengi abatshiyeneyo thina njengabomahlekisa sizakhangela kakhulu endaweni yonale ngoba kwabazabe bencintisa kukhetho lolu kukhona abahlabeleli, ababengabadlali kanye labanengi abatshiyeneyo.

“UMahlekisa Comedy Club ukhethe ukusebenzisa ihaba njengendlela yokukhulumisana njengoZulu ngendaba zokhetho ngoba ikhuthaza ukubambana emphakathini,” kuveza uNtandoVan Moyo.

UMthunywa ukhulume lomunye wabomahlekisa ozabe eyingxenye yomcimbi lo, uZwexy Mackina othe abantu baze ngobunengi babo ukuzojabula.

“Abantu bakoBulawayo abathanda ubunandi lokujabula kabafike ngoLwesihlanu sizobathokozisa thina, ngelanga leli libuye ngobunengi silitshaye ngama-jokes lihambe ekuvoteni lingela stress,” kuphetha uZwexy Mackina.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds