Nikani izifuyo ukudla okule Protein

15 Sep, 2022 - 00:09 0 Views
Nikani izifuyo ukudla okule Protein

uMthunywa

Thokozile Mbedzi
ABALIMI kundawana zonke zelizwe bakhuthazwa ukuba banike izifuyo zabo ukudla okulama-proteins njengoba utshani sebomile.

Ekhuluma lentatheli kaMthunywa uLivestock Consultant uMnumzana Simon Mulambo uthe abafuyileyo kundawana zonke zelizwe bakhuthazwa ukuthi banike izifuyo zabo ukudla okule-protein ngoba khathesi utshani sobomile.

“Abalimi kabanike izifuyo zabo ukudla okulama-proteins ngoba khathesi utshani sobomile konke lamahlanga ngoba sesisekhathini sokoma ngakho kumele konke ukudla abakunika izifuyo babone ukuthi kule-protein.

Izifuyo

Ngesikhathi lesi utshani sobomile okusilela kakhulu ngama-protein. Abafuyi nxa bengasebenzisa amahlanga lotshani kuqakathekile ukuba babe lezinto ezinje ngomabhiko loba ama-winter maintanance blocks kumakampani aqondileyo alembali eqondileyo. Abalimi kumele baqaphelisise ukuba baphe izifuyo isilinganiso esiqondileyo ngoba ama-protein supplements ale urea.

Kumele bakhulumisane labathengisayo babancedise ngezilinganiso eziqondileyo ukuze benelise ukupha izifuyo zabo ukudla kungela hlupho . Abafuyi kumele bananzelele ukuba izifuyo zithola utshani loba ukudla okweneleyo kuzifuyo zabo zidle kuhle.

Utshani obunje ngabo-lucerne, lablab lobunye labo bulezilinganiso okumele abalimi bazilandele ngakho kumele baqaphelisise kakhulu ukuze bagcine kuhle izifuyo zabo ngendlela eqondileyo njalo lezifuyo zabo zingacaki loba ukufa,” kuphetha uMnu Mlambo.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds