Ngizalandela uMarve!

15 Aug, 2019 - 00:08 0 Views
Ngizalandela uMarve! uMarvelous Nakamba

uMthunywa

YiNtatheli kaMthunywa

UKUTHENGWA komdlali wakuleli uMarvelous Nakamba liqembu le-Aston Villa sekunikeze omunye wabadlali be-Highlanders ingqobe.
Imvimbi yeTshilamoya uMbongeni Ndlovu ukubika engafihli ukuthi ulesifiso sokuthi kumasizini amabili alandelayo laye ayedlalela kumaqembu e-Europe.

Njengabo bonke abadlali abagqoka ijesi laMawaba, uNdlovu uthe uzibona ephakamisa inkezo yeligi leHighlanders. Uthe engakasuki esiya e-Europe, kuzamele atshiye kwakhiwe ngenkezo eqenjini.

“Okwakuqala kumele ngithwale inkezo leHighlanders, kube sekulandela ukuya kuqembu elise-Europe. Umdlalo kaMarvelous Nakamba ungenza lami ngikhwabithe ukuyakhonale, kuyangikhuthaza sibili,” kutsho lumdlali.

UNdlovu, oleminyaka engu-21 yokuzalwa ufike wajwayela ngokuphangisa umdlalo we-Highlanders ngesikhathi kuqeqetsha uMadinda ‘Khathazile’ Ndlovu.

Imvimbi le ibambe iqembu esandleni senxele, indawo afike wayibamba okuzwayo ekhuthazwa nguKhathazile. Lakanye kakufihli ukuthi isibongo sakhe esikhulu siya kuMadinda.

Ugcizelele ngokuchaza ukuba isimo seHighlanders okwamanje sivela ekuthini bonke abadlali bakhula bonke bechinsa inguqu besakhula ezikwakweni.

“Umqeqetshi wethu uMadinda Ndlovu nguye owanginikeza ithuba elikhulu lokuthi ngidlalele iHighlanders enkulu. Ngiyambonga ngalokhu.

“Ngaqala ukudlala ngisafunda eLukhanyiso Primary. Ngakhula ngadlalela iqembu le-Ajax Hotspurs ngaqinela laku-Bosso 90,” kutsho lumdlali.
Abadlali abayinsika yokuthi ithalenta likaNdlovu libonakale babalisa uDenzel Khumalo, Nkosana Ndlovu loPeter Muduhwa.

Share This:

Sponsored Links