uMthunywa
“Akukho okunengi engisengakutsho okwamanje. Ngiyabonga Portugal. Ngiyabonga Qatar, iphupho belilihle ngesikhathi lisekhona.”
Ukhulume ngezwi elibuhlungu umdlali wePortugal, uCristiano “CR7” Ronaldo, osephumele egcekeni kulandela ukubonakala ebihla isililo ngemva kokukhitshwa yiMorocco kuma-quarterfinal enkezo yoMhlaba eQatar.
IPortugal yanqotshwa 1-0 yi-Atlas Lions.
Ukwehlulwa kwayo kutsho ukutshabalala kwephupho leminyaka likaRonaldo (37) lokuphakamisa isicoco senkezo yoMhlaba. Umdlali lo, kuthi kuqala imidlalo yenkezo yoMhlaba ubesemlonyeni wabantu abanengi ngemva kokuhlukana leManchester United.
UCR7 wangeniswa kumdlalo leMorocco esigabeni sesibili. Bekungumdlalo wesibili kulumqhudelwano umdlali lo eqalisa esebhentshini.
Ngemva komdlalo leMorocco, uCR7 kazange alinde abanye bakhe ukuthi aduduzane labo, umane waqonda ezindlini zokutshintshela, ebihla isililo.
Umdlali lo ongelaqembu okwakhathesi, ukhiphe umbiko ngeSonto evuma ukuthi kuphelile ngephupho lakhe leminyaka lokuthi athwale inkezo yoMhlaba.
“Ukunqoba inkezo yoMhlaba lePortugal bekuliphupho lami elikhulu ebholeni,” kutsho uRonaldo ekhasini lakhe le-Instagram.
“Ngenhlanhla zinengi ezinye izicoco ezinkulu engizinqobile nePortugal kodwa ukubeka ibizo lezwe lami esiqongweni somhlaba, bekuyilo iphupho lami elikhulu. Ngililwele, ngililwele kanzima. Ngidlale kumahlandla amahlanu (kunkezo yoMhlaba), ngahlohla amabhola angu-16, ngimi ndawonye labadlali abasezingeni eliphezulu, sisekelwa yizigidi zabalandeli bePortugal. Ngizinikele ngakho konke.”
Uqhubeke wathi: “Ngifuna lazi ukuthi kunengi osekutshiwo losekubhaliwe, kodwa ukuzinikela kwami-Isolezwe
