uMthunywa
Nkosilathi Sibanda
UBIKA ukuba uzathi ukuma kancane ukwenza okwenguqu uLizwe Sweswe obengumqeqetshi kuFC Platinum.
USweswe utshiye umsebenzi ngoLwesihlanu kuviki edluleyo ngemva kwamasizini amathathu.
Ithe ukubone kungcono ukuthi afulathele inkundla kancane.
“Ngifuna ukuphumula, ngichithe isikhathi ngilemuli yami,” kutsho uSweswe ebuzwa ngokuthi uzakuya ngaphi ngemva kokutshiya umsebenzi.
Umqeqetshi lo ubeyibambile iFC Platinum ithola isicoco seCastle Championship ngesizini ka2019. Encedisana loNorman Mapeza, uSweswe waba yinsika njalo iqembu leli lithwala inkezo ngo2018 lango-2017.
Ngaphansi kwakhe, izimbamgodi zePlatinum zenelisa ukufika kusibanga seMini League yomqhudelwano weCaf Champions League.
Loba umqeqetshi lo ethe ukhetha ukuthi aphumule, udaba olusegudwini luveza ukuthi usemehlweni eHighlanders leTalen Vision.
Abacubunguli bebhola lenyawo batshele iphephandaba likazulu ukuba uSweswe angeke avume ukuthi ayeqeqetsha iqembu eliphansi njalo elingela mali.
Ukuqeqetsha kuFC Platinum kukhweza isisindo somqeqetshi owaqala ukuzibonakalisa ngokungenisa iqembu leTsholotsho kuligi yePSL.
