Nanzelelani umkhuhlane we-blackleg

09 Feb, 2023 - 00:02 0 Views
Nanzelelani umkhuhlane we-blackleg UDokotela Enat Mdlongwa

uMthunywa

Blessing Moyo
INHLANGANISO ebona ngezempilakahle yezifuyo eyeVeterinary Services ixwayisa uzulu ukuba aqaphele  umkhuhlane womkhono (Blackleg) ovame ukumemetheka kulesi sikhathi somnyaka ikakhulu esigabeni seGwanda lapho abafuyileyo abanengi abacina belahlekelwa yimhlambi emkhulu.

UDokotela Enat Mdlongwa onguMatabeleland South Provincial Veterinary Director uchazele uMthunywa ukuba umkhuhlane lo ungumatshayabhuqe ikakhulu kunkomo ezisakhula.

“Emhlubulweni wakithi ukufa kwenkomo zibulawa ngumkhono kukusibanga esiphezulu. Umkhuhlane lo ubangelwa ngamagcikwane okuthiwa yi-Clostridium Chauvoei atholakala emhlabathini.

Vaccine

“Izimpawu zaleligcikwane enkomeni zibonakala ngokuqhula, lokudana,” kutsho uDkt Mdlongwa.
“Ukulima ngenkomo ilanga lonke, zinganathanga amanzi kuyabangela lumkhuhlane ikakhulu kumajongosi lamathokazi.

Uthe inkomo elomkhono inyama yakhona yonke iyabe isiwonakele njalo isilephunga. Kungakho njengabeVeterinary Services siqonqosela uzulu ukuba abafuyileyo bahlabise inkomo zabo ukuze ziphephe kulo umkhuhlane.

“Abafuyi sibakhuthaza ukuba babambane ekunqobeni lumkhuhlane, bathenge umuthi okuthiwa yi-black vaccine kumbe iCombined blackleg le Bochulism Vaccine etholakala ezitolo zakoCoopers ezisabalele endaweni ezinengi ukuze abafuyileyo bathole uncedo eduzane ngemali ephakathi kwe-U$7 leUS$8.

“Umuthi lo uyenelisa ukuhlaba inkomo ezingu-50 ngakho njengabafuyi lingenza amaqembu lithenge lumuthi lenqabela  imhlambi yenu,” kutsho uDkt Mdlongwa.

I-Blackleg ayithelelwana njengeFoot and Mouth kodwa nxa inkomo yakho loba ekamakhelwane isilawo lezakho ziyabe sezisengozini enkulu kakhulu yokuba lawo kungakho sixwayisa uzulu ukuba enqabele lumkhuhlane kungakonakali.

Share This:

Sponsored Links

Survey


We value your opinion! Take a moment to complete our survey

This will close in 20 seconds