Mapeza uzitshaya isifuba…kuvulwa inkundla zeAfcon

06 Jan, 2022 - 00:01 0 Views
Mapeza uzitshaya isifuba…kuvulwa inkundla zeAfcon uNorman Mapeza

uMthunywa

Nkosilathi Sibanda
Umqeqetshi weqembu lama-Warriors uNorman Mapeza uthi uyathokoza ngamalungiselelo eqembu lakhe kumncintiswano weTotal Energies Africa Cup of Nations kulandela ukudlala ngokulingana leSudan emdlalweni wobungane odlalelwe eYaounde eCameroon.

Umqhudelwano we-Afcon uqala mhlaka 9 kulinyanga uze uyegqitshwa mhlaka 6 Nhlolanja. AmaWarriors akuqula lika-Group B olamaqembu abalisa iSenegal, Malawi le-Guinea.

Lanxa iqembu lamaWarriors lisalindele ukufika kwabadlali abahlanu abazangena kuqembu lokucina eCameroon, liqale ukulolonga ngemva kokufika eYaounde mhlaka 31 Mpalakazi 2021 lapho abazabe behlezi khona kulumncintiswano.

“Ngicabanga ukuthi abafana badlale kuhle kakhulu, ikakhulukazi ngesigaba sakuqala somdlalo lapho esibe lamathuba okuhlohla amanengi. Kodwa inkinga yikuthi abadlali bami abakakhaliphi kangako phambili kwegedi. Kodwa ngijabule ngokusebenza kwabo, ikakhulukazi abadlali bangemuva. Ngibona angathi sisadinga ukusebenza okwengeziweyo ukuya phambili,” kutsho uMapeza.

UKudakwashe Mahachi loPetros Mhari bobabili kabaqedanga umdlalo ngemva kokuthathelwa indawo nguOnismor Bhasera loTalbert Mashumba, kodwa uMapeza uthe ukulimala kwabo akusiyonto okumele bakhathazeke ngayo.

AmaWarriors angena enkundleni leqembu leSenegal mhlaka 10 Zibandlela enkundleni yeStade de Kouekong ngehola lesithathu emini.

Iqembu likaMapeza ku-Afcon

Onozinti:                                                                                                                                                                                       Petros Mhari (FC Platinum),

Martin Mapisa (FC Zamora),

Talbert Shumba (Free State Stars).

Imvimbi:                                                                                                                                                                                                  Peter Muduwa (Highlanders),

Alec Mudimu (Torpedo Kutaisi),

Takudzwa Chimwemwe (Nkana),

Jordan Zemura (AFC Bournemouth),

Godknows Muriwa (Dynamos),

Gerald Takwara (Venda Football Academy),

Teenage Hadebe (Houston Dynamo),

Bruce Kangwa (Azam),

Onismor Bhasera (Supersport United)

Esiswini:                                                                                                                                                                                                              Kelvin Madzongwe (FC Platinum),

Thabani Kamusoko (Zesco United),

Never Tigere (Azam),

Kudakwashe Mahachi (Supersport United),

Ishmael Wadi (JDR Stars),

Kundai Benyu (Vestra).

Abagadli:                                                                                                                                                                                                 Admiral Muskwe (Luton Town),

Prince Dube (Azam),

David Moyo (Hamilton Academical),

Knowledge Musona (C) (Al Tai),

Tinotenda Kadewere (Olympique Lyonnais).

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds