Luthuli kumcimbi kaMaskandi, leSicathamiya

04 May, 2023 - 00:05 0 Views
Luthuli kumcimbi kaMaskandi, leSicathamiya Zinjaziyamluma

uMthunywa

 

Ethel Ncube

AKUBIZWA ozwayo ngempelaviki esiyikhangeleyo kumcimbi ozadibanisa abahlabeleli bakuleli labavela eMzansi kumculo kaMaskandi, iRhumba lesicathamiya eBulawayo Theatre.

Kubahlabeleli laba kulo Zinjaziyamluma, Godolude leqembu lembube elibizwa ngokuthi Amaqaqa.
Omunye wabaqoqi bomcimbi lo uPromise Sibanda owazakala ngokuthi nguDj Mapressa, ozabe engumqondisi wenhlelo kulumcimbi, uveze ukuba kuzabamnandi njalo sebelungiselele baphelela.

“Esikuphathele abantu koNtuthu ngeke ngikuphakulule khathesi kodwa engithanda ukukutsho yikuthi kuzagidwa hatshi kancane,” kutsho uDJ Mapressa eseGoli.

“Amalungiselelo wonke asezingeni eliphezulu. Okuseleyo yikuthi sibuye singene enkundleni sijabulise uzulu wonke ekhaya.

“Umcimbi lo uzabe umuhle kakhulu ngoba uhlanganise imihlobo etshiyeneyo yezingoma. Umuntu uzabe ezikhethela akuthandayo azikholisele elalele njalo ebukele.

Bulawayo-Theatre

Mina njengomqondisi womcimbi ngizabe ngikhona nginandisa njengomahlekisa. Asizeni ngobunengi sizokholisa silabomahlekisa, abaculi beRhumba, umaskandi lesicathamiya.”

Intatheli yephephandaba likazulu ixhumane loZinjaziyamluma ochaze ukuba bayathokoza ngokuza ekhaya.

“Sijabule kakhulu ngokuphindela ekhaya sizohlabela emzini wamakhosi, sikholisisa abalandeli bethu, besibona ngamehlo hatshi ukuthi bezwe ingoma zethu bengasiboni.

“Siza ngomfutho omkhulu ozatshiya uzulu wonke ejabulile njalo esuthisekile ngomsebenzi wethu. Asisondeleni siyefika eBulawayo Theatre ngoMgqibelo ntambama sidlale impelaviki sonke silalele ingoma ezimnandi,” kutsho uZinjaziyamluma, osethole izicoco ezinengi ngokucula kuleli laseMzansi.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds