Lungisani ukudla okweneleyo kwezifuyo

18 May, 2023 - 00:05 0 Views
Lungisani ukudla okweneleyo kwezifuyo UMnumzana Mike Nemashakwe etshengisa ukudla kwenkomo

uMthunywa

Thokozile Mbedzi

INHLANGANISO ye-Agritex ikhuthaza abalimi kundawana zonke zelizwe ukuba balime ukudla kwezifuyo okweneleyo njalo bakulondoloze ngendlela eziqondileyo ukuze izifuyo zibe lokudla utshani buze buhlume.

Ekhuluma lentatheli kaMthunywa kumbukiso wezamabhizimusi obukoBulawayo ngenyanga edluleyo, uAgritex District Livestock Officer uMike Nemashakwe uthe abalimi kumele balungiselele izifuyo zabo ukudla.

“Abalimi kabalungiselele izifuyo zabo ukudla okweneleyo njalo ngendlela eqondileyo. Izifuyo zilakho ukudingelwa ukudla okuzazenela ebusika lentwasa njalo lokho kudla kumele kugcinwe kuhle ukuze izifuyo zingakusweli.

“Ukudla lokhu kulungiswa ngendlela ezilula umlimi angazilandela ukuze ahlale elokudla okweneleyo kwezifuyo ukuze zingacubi ngesikhathi sendlala,” kuchaza uMnu Nemashakwe. 

Kubikwa indlela zokulungisa ukudla kwezifuyo zilula kakhulu ukuthi umlimi azilandele.

“Abalimi bangasebenzisa amasaka kumbe amagodi ukuhlanganisa i-molasses lotshani obehlukeneyo ukuze benze ama-block lokunye ukulondoloza ukudla lokhu.

“Abalimi labafuyi bengakhathazeki nxa bengela lwazi lokwenza ukudla lokhu, kumele basondele kwabe- Agritex babancedise ukuze benelise ukuhlungisa ukudla lokhu njalo bagcinele izifuyo zabo ukudla okwenelayo ukuze bengalahlekelwa yizifuyo zabo.

“Ukulondoloza ukudla sikwenza ngoba sihlose ukuba izifuyo zithole ukudla okweneleyo umnyaka wonke kungakhathalekile ukuthi kusebusika kumbe yisikhathi sendlala,” kulandisa uMnu Nemashakwe. 

Uthe ukugcina ukudla kuqakathekile ngoba kwenza ukuba abafuyi bengalahlekelwa yizifuyo zabo. Lanxa ukudla emadlelweni sokukulutshwana bona bayabe belungiselele.

“Abalimi balakho ukulima ukudla lokhu bakulungise bakuthengisele labo abayabe bengelakho ngakho kulakho ukulethela umlimi izuzo.

Uphethe ngokuthi izifuyo yinotho yabalimi, ngokunjalo abalimi kumele benze konke okudingakalayo ukuze bavikele izifuyo zabo ekucubeni.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds