lsandiso siyaqhutshwa

21 Apr, 2022 - 00:04 0 Views
lsandiso siyaqhutshwa uhlelo

uMthunywa

Sithatha udaba lwethu lapho esiphethe khona kuviki ephelileyo. Sikhangela okuqatshelwayo ekwakheni isandiso sendawo. Ekuqaleni: Kuzo zonke izigaba unkamisa wokuqala webizo uyasuswa kuthi esikhundleni sakhe kuqaliswe ngo e- oyisakhi sesandiso ngaphandle kwesigaba 11 lapho siqalisa ngo – o.

Isibonelo sesigaba 11: Kubizo /uthi kumbe uluthi/, isandiso sendawo ngu/othini/ nxa silandela ingcazelo esiyiphiwe ngaphezulu. Ku/ugwalo/ isandiso sendawo ngu/ogwalweni/. Siqala ngo o- lapho sisakha isandiso sendawo hatshi ngo e- njengakwezinye izigaba.

Ekucineni: Emabizweni acina ngonkamisa –a lo –e sijobelela isakhi sesandiso u-eni bese kulandelana onkamisa, unkamisa wokucina webizo udedela unkamisa wesakhi sesandiso u-e.

Izibonelo: Kusigaba 3 ibizo ngu/umfula/ isandiso ngu /emfuleni. Kusigaba 9 ibizo ngu/inja/ isandiso ngu/enjeni/.

Emabizweni acina ngonkamisa –a lo –e kwenzakala lokhu nxa sisakha isandiso sendawo: umfu(a) + eni > emfuleni. Kusigaba 9 inj(a) + eni > enjeni.

Emabizweni acina ngonkamisa – (i) sijobelela isakhi sesandiso u –ini bese kulandelana onkamisa, kuthi unkamisa wokucina webizo adedele unkamisa wesakhi sesandiso u – i.

Isibonelo: Kusigaba 5 sithathe ibizo ihhashi sijobelele isakhi sesandiso u-ini Sithole isandiso /ehhashini/.

Emabizweni acina ngonkamisa –o lo –u lakhona sijobelela isakhi sesandiso u –eni lo –ini kuthi unkamisa wokucina webizo aphenduke usingankamisa –w-.

Isibonelo: Isand(o) + eni . isandiso ngu/esandweni. Ubuhlal(u) > ebuhlalwini.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds