Uncategorized

Limiswe emthethwandaba isotsha elingumpondo kayitshintshwa

21 Mar, 2019 - 00:03 0 Views
Limiswe emthethwandaba isotsha elingumpondo kayitshintshwa

uMthunywa

Musa Janga/Thokozile Mbedzi

KULESOTSHA lakoBulawayo elimiswe phambi komthethwandaba weWestern Commonage lisethewa icala lokutshaya umkalo.

UNixon Zimutsa osebenzela eKhumalo Barracks umiswe emthethwandaba ngeviki edluleyo ethoniswa icala lokutshaya umkakhe uLorraine Ndou  ngoba ecele imali. 

Inkundla izwe ukuba umuzi walaba ababili uqale ukungahlaleki lapho uZimutsa eqala ukunganakekeli imuli yakhe. Kubikwa umsolwa wayethi nxa umkakhe angacela imali amvukele ubhova aqale ukumthethisa ethi kahloniphi. Kubikwa phezu kwalokhu uhlala etshaya umamangala ngamampama lezibhakela angavele acele imali yokuthenga okufunakala endlini. 

Okunye okube luhlupho emzini walaba ababili yikuthi umsolwa ubethi angahola kuphela ahle abe lolaka atshaye umamangala ngoba engafuni ukumnika imali. Lokhu kuze kwabangela umamangala ukuthi abaleke emzini wabo. 

Umamangala uthe umkakhe ulohlupho lokungafuni ukumnika imali okokuthi ngasikhathi sonke nxa ecela imali kumele atshaywe. 

“Ngendele kumsolwa uNixon Zimutsa, umuzi wethu awusahlaleki ngoba usuka abelodlame sikhathi sonke engahola. Kalethi mali endlini ngakho ngingathi ngiyacela uyangitshaya abesengixotsha endlini njalo engazonda uyabulala yonke impahla endlini,” kulandisa uLorraine Ndou.

Ngemva kokulalelisisa lelicala uMantshi uMnumzana Lungile Ncube unqume ukuthi umsolwa uZimutsa engasasondeli duze lomamangala njalo engamhlukumezi ngokumtshaya wasebapha incwadi edindiweyo efakaza lokhu.

Kusenjalo kulepholisa njalo elimiswe emthethwandaba weTredgold koBulawayo lisetheswa icala lokubhaxabula umkalo kanye lokumthembisa ukumbulala limsola ngokucela imali.

UNkosikazi Otilia Machikindife ubikele inkundla ukuthi umkakhe, olipholisa uFarai Muchikindife  uhlala emtshaya kusa kwamalanga njalo usebenzisa izikhali kanye lomqamelo ukumvala umlomo lamakhala nxa angamcela imali yokudla.

“Nkosi, umkami uhlala engitshaya njalo uhlala njalonje esithi uzangibulala. Mhlaka 22 Nhlolanja umkami ungitshaye ngalimala ilihlo lenxele njalo alisaboni kuhle.

Ungezelele wathi umkakhe nxa emtshaya wenza engani sefikelwe lidlozi ngoba uyabe esehamba enqunu phambili kwabantwana loba egqoke ibhulugwe langaphakathi kuphela. 

“Sengileminyaka engu-19 engihlukuluza njalo wangephula iqolo kunye lonyawo, kangisenelisi ukuzithwala inyanga ezingu-9, odokotela bahle baphangise bangibelethise,” kulandisa uNkkz Machikindife.

Umantshi ngemva kokulalelisa icala leli wabuza umsolwa  ukuthi kungani esenza lokhu wathi uyaxolisa, konke akwenzayo ukwenza ngenxa yotshwala.

Umantshi utshele ababili laba ukuba bangahlali besilwa njalo unike uNkkz Machikindife i-protection order.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds