Limanini iZap 31 leZap 43

09 May, 2019 - 00:05 0 Views
Limanini iZap 31 leZap 43

uMthunywa

Bongani Ndlovu

INKAMPANI yenhlanyelo eyeAgriseeds ikhuthaza abalimi besabelweni seMatabeleland ukuba basebenzise iZap 31 leZap 43 nxa  belima umumbu ngoba yiyo evumayo endaweni le.

Ekhuluma lephephandaba likazulu uMnumzana Thomas Munetsi ubikele uMthunywa ukuba inkampani yabo isilungise inhlanyelo le ephangisa ukuvuthwa.

“IZap 31 leZap 43 ziyingqwele esabalweni seMatabeleland esilezulu elilutshwane. Inhlanyelo le ithatha amalanga angu-90 kusiya kwangu-150 ukuthi ivuthwe.

“Obunye ubuhle bale inhlanyelo yikuthi ayidingi manzi amanengi ukuthi umlimi athole inzuzo enengi ngoba yona ilungiselwe indawo ezingela manzi amanengi,” kuveza uMnu Munetsi.

Ugcizelele wathi inhlanyelo le ingancedisa abalimi ekuthuthukiseni isivuno sabo kanye lenzuzo yabo.

“Ubuhle bale inhlanyelo yikuthi yenzelwe indawo ezingela manzi okutsho ukuthi ukuswelakala kwamanzi ngeke kwehlise isivuno somlimi ngoba inhlanyelo le iyenzelwe indawo ezilamanzi amalutshwana njalo iyaphangisa ukuvuthwa i-hybrid okutsho ukuthi abalimi bengayithemba,” kuchasisa uMunetsi.

Uphethe ngokuveza ukuthi inhlanyelo le kayidliwa yizibungu ingaze ihlale isikhathi eside iphansi.

“Inhlanyelo le izaphathisa abalimi ngoba kayiphehlwa nxa ingahlanyelwa ngoba yona yodwa ilawo amandla okuzilwela ku-rey Leaf Spot leMaize Streak Virus eminye yemikhuhlane engahlasela umumbu, kubangela ukuba inzuzo yomlimi iyehle kumbe ukuthi avune umumbu ongakhwabithekiyo nxa udliwa ngabantu,” kuphetha uMnu Munetsi.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds