Limani indumba le-beetroot

28 Feb, 2019 - 00:02 0 Views
Limani indumba le-beetroot

uMthunywa

Bongani Ndlovu

INHLANGANISO yabalimi be-horticulture isixwayise abalimi ukuba baqalise ukulima i-lettuce, green beans le-beetroot ngoba sekuyisikhathi sokukulima.

Ekhuluma lentatheli kaMthunywa uNkosazana Sindisiwe Moyo osebenzela inhlanganiso yeStarke Ayeres Charter Seeds ubikele iphephandaba likazulu ukuba abalimi sekumele baqalise ukulima i-lettuce, green beans, beetroot, cauliflower kanye lemiqwente.

“NjengeStarke Ayeres silekhalenda esiyisebenzisayo ukuze sixwayise abalimi ukuthi balimeni ngasiphi isikhathi ngakho ngalesi isikhathi sixwayisa abalimi ukuthi balime izilimo ezifana le-lettuce, green beans, beetroot, cauliflower lemiqwente ngoba kuyavuma ngalesi sikhathi,” kuchaza uNkszn Moyo.

Uqhubekele phambili ngokwazisa abalimi ukuba lezi zilimo ziyavuma ngalesi sikhathi ngoba kazidingi amanzi amanengi njalo zithatha isikhathi esincane ukuvuthwa.

“Izilimo lezi ziyavuma ngalesi sikhathi somnyaka njalo enye into enhle ngazo yikuthi azidingi amanzi amanengi ukuthi zize zivuthwe kodwa zifuna amanzi eneleyo ukuthi inhlabathi ibemanzi njalo yizilimo eziphangisayo ukuvuthwa ezifuna inyanga ezimbili kumbe amalanga angu-65 ukuthi zivuthwe,” kuchasisa uNkszn Moyo.

Ugcizelele ngokuthi abalimi basebenzise inhlanyelo efaneleyo ngoba yiyo edingwa ngabalimi bakhathesi abafuna ukuthola isivuno esiphezulu lanxa belime indawo elingeneyo.

“Inhlanyelo zethu (Starke Ayeres) yizo ezidingwa ngabalimi bakulezinsuku, lokhu kungoba inhlanyelo zethu zilungiselwe ukuthi zilwe lemikhuhlane engazihlasela lapho isihlanyeliwe, zingakhethi inhlabathi yokuhlanyelwa ukuze zenelise ukukhipha izilimo ezinhle njalo eziphilileyo,” kuphetha uNkszn Moyo.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds