Langelihle Moyo
ABALIMISI sebekhuthaze abalimi ukuba balime imihlobo etshiyeneyo yesilimo se-butternut ngoba alenzuzo enhle njalo umlimi engenelisa ukuthi azikhethele ukuthi alime wuphi umhlobo.
UNkosazana Moreblessing Dube ongu-Agriculture Consultant esabalweni seMatabeleland South, uthe abalimi akumelanga bajayele ukulima umhlobo we-butternut owodwa. Ngoba minengi imihlobo yesilimo lesi engabalethela inzuzo ephezulu
“I-butternut lilemihlobo eminengi egoqela i-avalon, victory le-butterfly engama-hybrid. Abalimi bakhuthazwa ukuthi balime behlanganisa imihlobo le yama-butternut. Imihlobo yama-butternut le, ilenzuzo enengi ngoba alesisindo awafani lomhlobo lo owejwayelekileyo. Ayaphangisa njalo ukuvuthwa, ngemva kwenyanga ezingaba zintathu ayabe sevuthiwe njalo elabantwana abanengi,” kuchasisa uNkszn Dube
Uqhubekele phambili njalo, echaza ukuba imihlobo yama-butternut le exubeneyo iyavuma lalapho okungela zulu elinengi khona.
“Imihlobo le yama-butternut exubeneyo mihle ngoba lalapho okungela zulu elinengi khona iyavuma, kukanti amanzi angaba manengi ayabola,” kutsho uMlilo. Umhlobo lo wama-butternut awuvamanga ukuhlaselwa yimikhuhlane eminengi ngaphandle kwale eyamahlamvu lebolisa abantwana. Nxa abantwana besilimo bebola umlimi kumele athenge umuthi othiwa yi-Fruitly owokufafaza isilimo sakhe,” kuphetha uNkszn Dube
