Uncategorized

Likhuphukile izinga lombukiso walonyaka

28 Apr, 2023 - 17:04 0 Views
Likhuphukile izinga lombukiso walonyaka UMONGAMELI welizwe uEmmerson Mnangagwa leNkosi uMswati III

uMthunywa

UMONGAMELI welizwe uEmmerson Mnangagwa uveze ukuthi izinga lombukiso walonyaka weZimbabwe International Trade Fair likhuphukile kulela nyakenye.

UMongameli welizwe ukhulume amazwi la ngemva kokuvatsha kumbukiso wehlandla lesi-63 leNkosi uMswati III weSwatini lamhlanje emini koBulawayo.

Uthe umbukiso walonyaka ukuzinga eliphezulu kulakumnyaka odluleyo.

“Umbukiso wamabhizimusi walonyaka ukhuphukile njalo kuyancomeka kakhulu. Yonke imbukiso esiyibonileyo ngeyezinga laphezulu.

“Ngilethemba lokuthi sizafinyelela umbono esilawo kaVision 2030 ngomdladla. Lokhu ngikunanzelele kuzizalwane zakuleli kanye lalabo ababuye ukuzobukisa. Ngiyasuthiseka ukuthi sidonsa ndawonye,” kulandisa uMongameli welizwe.

INkosi uMswati III iveze ukuba sekulenguquko enkulu kunye lentuthuko kusukela ngomnyaka ka1995 lapho acina ukuba kweleZimbabwe.

“Ngacina ukuba lapha ngomnyaka ka1995. Kulenguquko enkulu engiyinanzeleleyo. Sekulentuthuko edolobheni lakoBulawayo kanye lakhonapha eTrade Fair, kulabamabhizimusi amanengi abuye ukuzobukisa kulangomnyaka engacina ngawo ukuba lapha. Ngithanda ukuthi lenze kuhle bantu baseZimbabwe,” kutsho iNkosi uMswati III.

UMongameli welizwe kunye leNkosi uMswati III baqale ukubhoda eTrade Fair emini enkulu.   

Injongo yombukiso weZITF yikwakha ubudlelwano phakathi kwamabhizimusi, kuhloswe ukuthuthukisa umkhonomi lokwabelana ulwazi.

 

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds