Kwakhiwa inkundla yemidlalo eFolosi

16 May, 2024 - 00:05 0 Views
Kwakhiwa inkundla  yemidlalo eFolosi uMongameli Mnangagwa

uMthunywa

YiNtatheli kaMthunywa

IDOLOBHO leFolosi, eMatabeleland North lizakuba lesakhiwo senkundla yomdlalo wekhilikithi, kubika uMphathintambo wezokukhitshwa kwembiko kuHulumende uDokotela Jenfan Muswere.

Lokhu kuvezwe ngoLwesibili ngemva komhlangano weKhabinethi wamaviki wonke. Kubikwa ukwakhiwa kwenkundla yemidlalo le kukhangelelwe ukuthi kuphela ngoNcwabakazi ngomnyaka ozayo, kulindwe umncintiswano we-International Cricket Council World Cup ka2027, ozaphathwa yiZimbabwe, South Africa leNamibia.

“Iqembu leZimbabwe Cricket labelwa umhlaba ongamahekitha alitshumi ukuze kwakhiwe inkundla yomidlalo yekhilikithi kunye lezinye izakhiwo eMasuwe Special Economic Zone for Tourism eVictoria Falls.

“Lolu hlelo luzafaka isandla ekukhuliseni ibhizimusi lezokuvakatsha ukuze lifike kusilinganiso se-US$5 billion ngo-2025, kunye lokuthuthukiswa kwezakhiwo zemidlalo kuleli,” kutsho uDkt Muswere.

Minister Jenfan Muswere

Inhlanganiso ephethe umdlalo wekhilikithi kuleli iZimbabwe Cricket (ZC) izolo yengeze ngokuthi selukhona usekelo lwemali yokwakhiwa kwenkundla le, ezahlalisa ababukeli abangu-10 000.

Ngaphandle kokuphatha umdlalo wekhilikithi, enkundleni le kuzadlalwa lemidlalo ebalisa unobhutshuzwayo, irugby, tennis, hockey le-squash. Ukwakhiwa kwayo kulandela iziqondiso zenhlanganiso zemidlalo le.

Kukhangelelwe ukuthi uMongameli welizwe, uEmmerson Mnangagwa abeke ilitshe lokuqalisa ukwakhiwa kwenkundla.

Ukuzimisela kukaHulumende lenhlanganiso yeZC kuze ngesikhathi ilizwe lihlaselwe ludubo lokusilela kwenkundla ezifaneleyo, ikakhulu kunguqu, okufuqe ukuthi amaqembu la, amela ilizwe akhethe ukuyadlalela kwamanye amazwe.

Umgcinisihlalo weZC uTawenga Mukuhlani uthe konke sekuqondile, ukuze baqalise ukwakha.

“Sizakuba lesakhiwo semidlalo eminengi. Siza zama ukwamukela ibhola lenyawo, i-rugby lokuba lekolitshi lemidlalo lapho.

“Sizafuna ukuthi kuhlale ababukeli abangu-10 000. Sizalandela izixwayiso leziqondiso zenhlanganiso zemidlalo.

Imali yokwakha isikhona,” kutsho uMukuhlani.

Share This:

Sponsored Links

Survey


We value your opinion! Take a moment to complete our survey

This will close in 20 seconds