Kuzajabula oNtombo kugujwa iAfrica Day eAcaja

09 May, 2024 - 00:05 0 Views
Kuzajabula oNtombo kugujwa iAfrica  Day eAcaja Abapheki be-Acaja

uMthunywa

Ethel Ncube

AKUBIZWA ozwayo eNtabazinduna endaweni okubizwa kuthiwa yi-Acaja lapho okunxuswa khona wonke umuntu wesifazane ukuba azogubha usuku lwe-Africa Day ejabula labanye abesifazana kudlalwa imidlalo etshiyeneyo.

Umnikazi wendawo le okuthiwa yi-Acaja, uMnumzana Abednico Dube uveze ukuba indawo yakhe le ivulwe ngenyanga ephelileyo ivulela uzulu wonke ukuba abuye azotshaywa ngumoya esendaweni le.

“Indawo le iseNtabazinduna ku-33km peg usuka koBulawayo njalo siyivule ngenyanga ephelileyo ngenhloso yokuba umphakathi uthole indawo yokuzijabulisa udlala imidlalo etshiyeneyo. Silemidlalo ebalisa i-ntsoro, chess, draft, volley ball, imijingo, indawo yokubhukutsha, in-house basketball, mini golf, leminye etshiyeneyo. Sithanda ukunxusa wonke umuntu wesifazana ukuba abuye ezodlala lamanye amankazana.

“Kuzabe kusosiwa inyama, kudliwa lokudla kwesintu ngelanga lelo. Indlela zokuhambisa usuka koBulawayo lokuphenduka zikhona, lingakhathazeki okwenu lungisani izigqoko zenu ze-Africa Day kulesikhathi, lingakhohlwa lokubuya lempahla zokutshintsha selidlala,” kubika u-Abednico.

Ubuye waveza obala ngamalungiselelo omcimbi lo ukuba asezingeni eliphezulu.

“Amalungiselelo omcimbi lo asezingeni eliphezulu, yonke into ihamba kahle. Sondelani bomama lizodlala lixoxisana ngemibono etshiyeneyo lihlezi endaweni eqandelelayo e-Acaja. 

“I-Acaja yindawo yabantu asiyisekeleni sijabulele usuku lweAfrica Day sindawonye. Odinga imininingwane egcweleyo angavakatshela ikhasi lethu le-Facebook,” kuphetha uAbednico.

 

 

Share This:

Sponsored Links

Survey


We value your opinion! Take a moment to complete our survey

This will close in 20 seconds