Kuyaphithizela nge-Founders Cup

06 Apr, 2023 - 00:04 0 Views
Kuyaphithizela nge-Founders Cup Makwee FC, intshantshu zenkezo yeFounders Cup nyakenye

uMthunywa

Mandla Moyo

AKUBIZWA ozwayo enkundleni zeBulawayo Social Soccer League kuyonale impelaviki yekhefu lePhasika.

Imidlalo iqala mhlaka 7, ngoLwesihlanu lapho amaqembu angu-32 azadibana elwela inkezo yeFounders Cup. 

Imidlalo yonke izaqala ngehola letshumi lanye ekuseni kunkundla ezitshiyeno koBulawayo. 

Amaqembu la yiwo anqobayo ekuqaliseni kwalumncintiswano, kumaviki adlulileyo lapho okwakulama qembu onke aweligi le, angamatshumi ayisithupha nxa ehlangene.

Zonke eziyavuka othulini okwazo kuphelile kukanti ezinqobileyo ziyalinda ukwaziswa ukuthi zizadlala laliphi iqembu emalangeni alandeleyo.

Emnyakeni odlulileyo inkezo le yaphakanyiswa liqembu leMakwe, elidabuka elokitshini leMakokoba, ngemva kokunqoba iMan U.

Umqhudelwano weFounders Cup udlalwa kuhloswe ukukhumbula kunye lokunikeza inhlonipho kulabo abasungula iligi yeBSSL. Omunye walabo nguChris Mhlanga, onguye owayengumaqhuzu weligi ngaleso sikhathi.

Kusenjalo, amaqembu azaphangisa ukuphindela enkundleni ngemva kwemidlalo yeFounders Cup, ngokutsho kuka-Adolph Jowa, umqoqi wemidlalo kuligi yeBSSL. 

“Mhlaka 9 kuyonale inyanga amaqembu azaphenduka esedlala kuligi. Labasaleleyo kumidlalo yabo yeligi bazahle baphiwe ithuba lokudlala ukuze bahambe ndawonye labanye.”

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds