Kuyagijimeka ngesikhathi seCovid-19

03 Dec, 2020 - 00:12 0 Views
Kuyagijimeka ngesikhathi seCovid-19 uTendai Tagara

uMthunywa

YiNtatheli kaMthunywa
KUBE lilanga elihle kubikwa imncintiswano yokugijima ngemva kwesikhathi umiswe ngumkhuhlane we-Covid.
Zidibene intshantshu zesiqubu izwe lonke enkundleni yeWhite City kumbuthano wezabelo obuqoqwe yinhlanganiso yeNational Athletics Association of Zimbabwe (Naaz) ngoMgqibelo.

Umnctiswano lo wenziwe kulandela uhlelo lokuvikela ukumemetheka kwegcikwane leCovid-19.

Eminye imidlalo isingathatha leli inyathelo elenziwe yiNaaz iqhuba kakuhle umnctiswano wayo.

Umdlalo wokugijima ngowokuqala ukuvunyelwa yiSport and Recreation Commission.

Kugijinywe imango ebalisa i100m, 200m, 400m, 800m le5 000m.

Kulumncintiswano izabelo bezimelwe ngabantu ababili kuzo zonke izigaba.

Kungxoxo abelayo lephephandaba likazulu uMkhokheli weNaaz uTendai Tagara uthe okubajabulisayo ngokuvulwa komdlalo wokugijima yikuthi wenziwe kulandela izinqumo zokuvukela umkhuhlane.

“Senze imncintiswano yethu ngendlela eqondileyo. Usuqalile umdlalo we-athelics, silinde isikhathi eside,” kutsho uTagara.

Uthe abagijimi batshengise ukuthi bebelungiselele.

“Angeke uthi abantu laba bebehlezi ezindlini inyanganzonke lezi.

“Inengi belizilolonga ngokuya kwesikhathi lilinde ukuqala kwemincintiswano.”

Umnctiswano weWhite City lo usetshenziswe njengenkundla yokudinga iqembu elizamela isizwe kumidlalo yeWorld Junior Championships ezaqhutshelwa edolobheni leNairobi, eKenya lakuma-Olympic Games.

Kubikwa inhlanganiso yeNaaz izaqhubeka ngeminye imncintiswano eHarare kwelizayo.

Kunqobe isabelo seHarare esibe lemendulo eziyisitshiya galombili, kwalandela iMashonaland Central ileziyisikhombisa.

Isabelo sakoBulawayo siqede sikunombolo yesithathu ngemendulo eziyisithupha.

IMat North iyangisile yehluleka ukuthola ngitsho eyodwa.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds