uMthunywa
Thokozile Mbedzi
KUTSHE isalukazi esileminyaka engu-94 satshona ngemva kokuba kuqhamuke umlilo endlini ebesikiyo ngeSonto kuyonale iviki.
Isalukazi lesi, uMlandu Nanzeni obehlala ngaphansi kwenduna uMasuku eMtshabeni kubikwa uzwakale esehlaba umkhosi ngehola lika-6 ekuseni indlu abelele kuyo isilumathe umlilo.
Kubikwa umakhelwane wathi esiyafika uphahla lwasoluvele soluwele phakathi kungasangeneki.
Isikhulumi samapholisa esabelweni seMatabeleland South ulnspector Loveness Mangena ebuzwa ngodaba lolu uthe solufikile ehofisini yabo.
“Samukele umbiko wesalukazi esileminyaka engu-94 esitshele endlini satshona. Akukatholakali ukuthi kuyini okubangele umlilo,” kuphetha ulnsp Mangena.
