Uncategorized

Kutholakala isidumbu eMkambo

05 Aug, 2022 - 12:08 0 Views
Kutholakala isidumbu eMkambo Abednico Ncube

uMthunywa

Ethel Ncube

ZILOKHU zikhakhamele izakhamizi zelokitshini leMakokoba koBulawayo ngemva kokuba kutholakale isidumbu somuntu efile eMkambo, eMakokoba ngeviki ephelileyo ngoLwesithathu.

Kuzwakale ukuba umuyi lo, watholakala engelancwadi eziveza ukuba ungubani ngesikhathi etholakala.

Kuvele ukuba umuyi lo ngumuntu wesilisa ongaba leminyaka efika ku 30 kusiya ku 40 yokuzalwa njalo umnyama ebusweni ubude bakhe bungaba yi1.7metres.

Umuyi lo watholakala ewele phakathi kwegodi ngomuntu owayezidlulela eceleni kweMkambo evele esedlule emhlabeni.

Kucatshangelwa ukuba umuyi wayenathe umagwebu wasesiwa watshaya phansi ngekhanda egodini lesititshi wasesehluleka ukuzincedisa ukuba avuke.

Umzimba wathwalwa wahanjiswa emotsha ye-United Bulawayo Hospitals ukuze ayehlolwa imbangela yokufa kwakhe.

UMthunywa uxhumane lesikhulumi samapholisa koBulawayo uInspector Abednico Ncube obike ukuba udaba lolu lufikile kubo.

“Sikhuthaza uzulu ukuba ahambe ethwele incwadi ezitshengisa ukuthi ungubani ukuze amapholisa nxa echwayisisa kwazakale masinyane njalo kuxhunywane lezihlobo eziseduze. Umuntu ongabe elesihlobo angasiboniyo kathintane lamapholisa eMzilikazi kumbe loba yiphi inkamba eseduzane laye,” kuphetha uInspector Ncube.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds