Kuthengiswa abadlali ku-netball. . . Lokhe engafuni ukuhlatshwa uDjokovic

13 Jan, 2022 - 00:01 0 Views
Kuthengiswa abadlali ku-netball. . .  Lokhe engafuni ukuhlatshwa uDjokovic

uMthunywa

I-Rainbow Amateur Netball League (RANL) ivule iwindi lokuthengiselana abadlali njalo sekubonakele ukuthi abaqeqetshi sebeqalile ukudinga abadlali abatsha ukuze bathuthukise amaqembu abo.

Isikhathi sokuthenga lokuthengiswa kwabadlali sivulwe ngoMvulo, njalo sizavalwa mhlaka 19 kuMbimbitho.

Umqeqetshi weGlow Petroleum uPerpetua Siyachitema ngomunye wabaqeqetshi abafuna ukuqinisa iqembu lakhe ngalesi isikhathi.

“Kusinikeze ithuba lokudinga abadlali ukuze siqinise amaqembu ethu.

Ngidinga ngempela ukuqinisa iqembu lami futhi ngidinga umdlali waphambili oyedwa labahlaseli ababili,” kutsho lumqeqetshi.

USiyachitema wengeze ngokuthi iqembu lakhe seliqalile ukuzilolonga lisekhaya.

“Bengilokhu ngithumela abadlali bami inhlelo zokuqeqetsha ezibalisela lamavidiyo.”

Kusenjalo, umdlali wethenisi uNovak Djokovic uyinqobile impi yokuqala kumzamo wakhe wokuvunyelwa ukuthi angene e-Australia, ukuze avikele isicoco se-Australian Open nanko phela kahlatshwanga ijekiseni yokuvikela iCovid-19.

Umdlali lo, ubanjelwe amaphepha okungena e-Australia ngoLwesine olwedluleyo kodwa ngoMvulo ekuseni umahluleli emthethwandaba u-Anthony Kelly, ukhiphe isinqumo sokuthi kumele abuyiselwe amaphepha akhe.

Umahluleli lo  uphinde wazisa uhulumende we-Australia ukuba abhadale indleko zaleli icala.

Share This:

Sponsored Links