Kuqakathekile ukuba lilunga lenhlanganiso zabalimi

14 Feb, 2019 - 00:02 0 Views

uMthunywa

Bongani Ndlovu

ABALIMI bakhuthazwa ukuthi kuqakathekile ukuba babe ngamalunga enhlanganiso zabalimi ngoba kulakho ukubancedisa ekuthuthukeni kwabo.

Ekhuluma lephephandaba likaZulu uMnumzana Daveson Masendeke onguProvincial Crop and Livestock Agronomist wesabelo seMatabeleland North osebenza eAgritex ubike ukuba inhlanganiso zabalimi ziyanceda kakhulu kubalimi lakumphakathi wonke njalo ukhuthaza abalimi ukuthi babe ngamalunga enhlanganiso lezi ezisendaweni zakibo.

“Inhlanganiso zabalimi ziqakathekile ngoba ziyanceda abalimi ukuba bathuthukise indawo yabo ngokuhlanganyela emisebenzini efana lokulungisa imigwaqo, amadamu, indlela ezintsha ezokulima kumbe bebonisana indlela ezintsha zokunakekela izifuyo, kungakho ngikhuthaza abalimi ukuba babe zingxenye zenhlanganiso lezi ukuze bathole ithuba lokungezelela ulwazi abalalo ngezifuyo lezilimo kwabanye abalimi,” kuxwayisa uMnu Masendeke.

Uqhubekele phambili ezingcoma inhlanganiso zabalimi ngemisebenzi yazo ethi inhlanganiso yizo ezibuya lolwazi oluhloliweyo njalo izikhalazo zabo ziphathwa ngcono nxa zivela kunhlanganiso lezi kulanxa zivela kumlimi oyedwa.

“Inhlanganiso zabalimi yizo ezibuya lolwazi olujulileyo ngoba besiba lemihlangano lenhlanganiso ezizimeleyo ngezokulima ngemva kwalokho abalimi bayaxoxisana enkundleni zokuxhumana lokho lakho kuyasiza ekujuliseni ulwazi kubalimi ngoba bexoxa ngento abakhangelana lazo bengabalimi okufana lemikhuhlane yenkomo lendlela yokuyelapha,” kuchaza uMnunzana Masendeke.

UMnu Masendeke uphethe ngokuthi esabelweni seMatabeleland North abalimi balakho ukuba zingxenye zenhlanganiso ezibhadaliswayo lezingabhadalisiyo ezifana leZimbabwe Farmers Union (ZFU), Commercial Farmers Union (CFU), Bee Keepers kanye lezinye.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds