Uncategorized

Kuphume isidumbu ‘kubangwa igceke’

03 Jun, 2021 - 00:06 0 Views
Kuphume isidumbu ‘kubangwa igceke’

uMthunywa

USOLA umbango wegceke umdeni weMlaza ku-G, eSouth Africa ukuthi yiwo oholele ekuthini kudutshulwe kubulawe umama walelikhaya kwalinyazwa lamalunga amabili.

UNkosazana Balungile Mdlalose (58) ungenelwe ngamadoda amabili ehlezi kwakhe lomdeni afike amdubula amahlandla amane emzimbeni waphuthunyiswa esibhedlela lapho afike watshona khona.

Kulimale lamalunga amabili alumdeni asilayo khathesi.

Kuthiwa kufike amadoda amabili abehlome ngezibhamu ngoMgqibelo ngo-8 ebusuku koMdlalose afike aqoqoda acela umufi obesekamelweni lakhe lokulala.

UNkszn Mdlalose kuthiwa ucine esukumile embhedeni wayabheka ukuthi ngobani abamfunayo kanti uzahlangana lababulali bakhe sebephakathi endlini bamdubula bephindelelela. La madoda kuthiwa aphume endlini azihambela ngezinyawo.

Lumdeni ubale izehlakalo ezinengi zokuhlaselwa lokusongelwa kwawo njengoba ngo-2013 uthe kwatshiswa umuzi kwaphoqelela ukuthi uye ekubhaceni.

Ngemva kwalesi sehlakalo kuthiwa uNkszn Mdlalose wathola incwadi engamakhasi amathathu Isolezwe eliyibonileyo emsongela ngokufa.

Wabuyela kule ndawo ngo-2017 lomdeni sewakhelwe umuzi omutsha, njengoba uthi zaqhubeka izinkinga ezaziwubalekisile.

Indodakazi kamufi, uNkosazana Nomthandazo Mdlalose, ithe ayisitshiyagalolunye amagobolondo ezinhlamvu zesibhamu abawacotshe endlini. Uthe akuthathwanga lutho ngakho bayasola ukuthi ababulali bebekuhlelile ukubulala unina.

“Ngaphambilini kulabantu abazibiza ngokuthi bangosomabhizimusi abatshele umama ukuthi kabhidlize ingxenye yendlu ayakhe eceleni ngoba ingxenye yayo ikapakele emhlabeni wabo. Laba bantu basonge ngokumbulala uma engakwenzi abakutshoyo,” kutsho uNkszn Mdlalose.

Uthe umfowabo uphume wahubha ababulali bakanina kodwa baphela emehlweni. Uthe udaba lombango wegceke lakubo ubagqigqise kwabezomthetho baze babuya lasenkantolo eyabakhipha phambili.

Lumndeni wakoMdlalose uthi ungumsinsi wokuzimilela kule ndawo ngoba ungeminye yokuqala eyakhelwa umuzi ongamagumbi amane wezitina uHulumende wangesikhathi sengcindezelo.

Okhulumela amapholisa eKwaZulu-Natal, uColonel Thembeka Mbele, uthe amapholisa eMlaza aphenya icala lokubulala lawokuzama ukubulala.

UCol Mbele uthe kusolakala ukuthi la madoda abize umufi obesekamelweni lokulala wanqaba ukuza kuwona okwenze agcina ezingenele ngaphakathi endlini afika amdubula amahlandla amanengi esiswini. — Ubulembu

Share This:

Sponsored Links