uMthunywa
LIQAMUKILE igoda phakathi komlingisi weHouse of Zwide edlala ku-e.tv ophinda abe ngumsakazi weGagasi FM lesoka lakhe leminyaka.
Isolezwe ngeSonto lithole ukuthi kuphelile phakathi kukaKhaya Dladla loMercutio Buthelezi abathembisane umtshado ngo-2020.
Loba singakaziwa isizatho sokwehlukana kwabo kodwa ezikhulunyelwa phansi zithi uMercutio usebuyelelane lowesilisa ayethandana laye ngaphambi kokuthandana loKhaya.
uMercutio Buthelezi
Okuphinde kwenza izinsolo zokuhlukana kwabo ziqine yikuthi uKhaya Dladla usezisuse zonke izithombe zakhe loMercutio ezinkundleni zokuxhumana. Lasemicimbini akasabonakali ehamba laye ekubeni bebengehlukani.
Lokho kugqame lasemcimbini omkhulu wokwethulwa kwabasakazi beGagasi FM, obungenyanga edlule lapho uKhaya ebehamba yedwa kuwo.
Omunye umthombo opotshozele Isolezwe ngeSonto lezi zindaba uthe uKhaya uke wazwakala ethi usafuna ukutshaywa ngumoya ngesikhathi abasondelene laye bembuza ngoMercutio.
Ethintwa ngalezi zindaba uKhaya akafunanga ukuphendula into eqondile.
“Angitshadile mina, futhi sengathi ulezindaba ezinengi njengoba ubuza lokuthi ngihlukene yini lomuntu engithandana laye. Ngiyaxolisa ngeke ngikwazi ukukuphendula, ngisemsebenzini,” kutsho uKhaya evala ucingo.
Uphinde wathunyelwa umyalezo enikwa ithuba lokuthi aphendule. KuWhatsApp kuvele ukuthi uwuvulile umyalezo kodwa wangaphenduli kwaze kwatshaya isikhathi sokutshicilela.
Bese kulesikhathi uKhaya ethandana loMercutio. Besanda kuthandana kwakukhona omunye owesilisa owayekhala ezimathonsi ngokuthi lo msakazi umthathele indoda emva kokuvela kokuthandana kwabo eminyakeni edlule.
Owesilisa owayebalisa, kwavela ukuthi ungumdansi emdlalweni wetshatshalazi, waveza lokuthi wayesethethe lesinqumo sokuzohlala KwaZulu-Natal ethembele endodeni yakhe ebimenzela yonke into kanti izomtshiya seyibone uKhaya.
Laku-Instagram kaMercutio azisekho izithombe zakhe eloKhaya kodwa kulowesilisa abonakala laye ebonga lokuthi ungumngani oqotho, ohlale ekhona uma emdinga. – Ubulembu
