Kuphakanyiswa ilizwe nge-boxing le-wrestling

26 May, 2022 - 00:05 0 Views
Kuphakanyiswa ilizwe nge-boxing le-wrestling

uMthunywa

YiNtatheli kaMthunywa
INHLELO zemidlalo ye-boxing le-wrestling kuleli zikhangelelwe ukuthi zibe kuzinga eliphezulu lonyaka nanko ilizwe selikhethwe ukuthi lenze umhlangano wengcitshi zemidlalo le kuzwekazi le-Africa.

Inhlanganiso yeZimbabwe National Boxing and Wrestling Control Board (ZNBWCB) ibike ukuba iphiwe ithuba lokuthi ibuthanise izazi, onompembe, inkokheli, abaqeqetshi lamankampani kumbuthano weWorld Boxing Council (WBC) All-Africa Officials Training Workshop le-Africa Boxing Union (ABU) Convention eFolosi.

Umhlangano lo kubikwa usekelwa nguHulumende njalo usekela uhlelo lokuthuthukisa umkhonomi welizwe oweNational Development Strategy 1 (NDS-1).

Uzaqhutshwa kusukela mhlaka 25 kusiya kumhlaka 30 Ntulikazi.

Lesi yisiqalo kuleli njalo kukhangelelwe ukuthi imidlalo yomibili le, ebukeka ikubanga eliphansi kuleli, icacise inhlelo zayo kungakafi umbuthano.

Umdlalo we-boxing lowe-wrestling ulokhe uphansi nxa uqathaniswa leminye ebalisa inguqu, ikhilikithi lethenisi.

Kuminyaka edluleyo sekubelemincintiswano emilutshwane eqhutshiweyo njalo losekelo lusasephansi ebantwini.

Umhlangano weFolosi lo, ngokutsho kukanobhala weZimbabwe National Boxing and Wrestling Control Board (ZNBWCB) uLawrence Zimbudzana, uzajulisisa inhlelo zemidlalo yomibili uphinde unikeze ithuba lokuthi kulungisiswe okungayisikho.

UZimbudzana uthe balokuthaba ukuthi balosekelo lukaHulumende ekuqhutshweni komhlangano.

“UHulumende uyasisekela kulumsebenzi omkhulu.

Ilizwe lakhethwa ukuthi linxuse amanye amazwe kulumbuthano osuqhutshwe okweminyaka engu-59,” kutsho uZimbudzana kungxoxo abelayo lephaphendaba likazulu kuliviki.

Inhlanganiso yeWBC ilawula umdlalo we-boxing kumazwe angu-161 kuthi eye-ABU igxile ekuqondiseni umdlalo kuzwekazi le-Africa emazweni angu-56.

UZimbudzana uthe bakhangelele ukwamukela izethekeli ezedlula ikhulu.

“Umsekeli kamongameli weABU uHoucine Houchi uzakhokhela umhlangano lo.

“Inhloso yikuthi kufundiswane ngemidlalo yomibili lokuthi sikhuthaze ngokuqakatheka kolwazi lokwazana njengenkokheli ezikumidlalo yinye.”

Isiphetho…

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds