uMthunywa
YiNtatheli kaMthunywa
LAPHO umshuwalensi wezifuyo oyingxenye yohlelo olubanzi lwepulazini ungasiza ekwehliseni ukungahlaliseki kwezezimali kanye lobunzima obungabangelwa zinhlekelele futhi kuyingxenye ebalulekileyo yokuvikela ibhizimusi yakho yokulima.
Kufanele kuqale kugcizelelwe ukuthi umshuwalensi wezifuyo ngowezifuyo ezigcinwe epulazini ngenhloso yokuzithengisa ukuze kube lenzuzo.
Amapulazi kanye lamanye amabhizimusi agcina izifuyo angalahlekelwa yimali nxa izifuyo zingalimala kumbe zingafa ngenxa yenhlekelele kanye lemikhuhlane.
Kungakho-ke ulakho ukuzivikela ekulahlekelweni yizifuyo eziqakathekileyo ngokuthenga umshuwalensi wezifuyo. Umshuwalensi lo uvame ukusetshenziswa ukuvikela izifuyo ezifuywayo ezifana lenkomo, izimvu, ingulube kanye lembuzi.
Umshuwalensi wezifuyo uqakathekile ngoba uyasivikela isisindo sezifuyo epulazini njalo ngumshuwalensi wokuphila kwezifuyo. Ukufuya izifuyo kungaba yinto engalindelekile njalo kunengi okungaphambaniseka. Izinto lezi zigoqela:
1. Inhlekelele ezigoqela ukutshaywa ngamagetsi kwezifuyo, ukudutshulwa okungahlelwanga, izinto eziwayo kanye layikutshaywa yinkosazana.
2. Ukuhlaselwa kwezifuyo
3. Ukutshontshwa lokuchithwa kwempahla
4. Ingozi zokuthwala lokwehliswa
5. Inhlekelele zemvelo ezifana lokuzamazama komhlaba lezikhukhula
Nxa ulomshuwalensi wezifuyo uvikelekile ekulahlekelweni yimali okungabangelwa zingozi eziqanjwe phezulu kanye lezinye ezinengi.
Uvikelekile njalo kundleko eziphezulu zokubotshiswa okungabangelwa yikuhlaselwa kwabantu yizifuyo zakho kanye lokubhidliswa kwempahla.
