uMthunywa
Phumulani Mpofu
UXesha oleminyaka yokuzalwa engu-15 ubudala wanxuswa ngudadewabo kamngane wakhe omkhulu uNkosi ngakibo ngobunye ubusuku. Ngalelolanga wonke umuntu waqala ukubhema insango.
UXesha waqala esala kodwa ngemva kokuba sebemnike izikhathi ezimbalwa, wacina esezizama. Yiyo indlela uXesha, wakoBulawayo, achaza ngayo ukuqala kwakhe ukusebenzisa izidakamizwa.
UMnumzana Xesha, ongochwepheshe womculo we-house lomgido we-vosho, exoxisana labenhlanganiso yethu wagcizelela ukuthi uvela esigabeni esisadla ngoludala “Ngangidlala eqenjini le-orchestra, futhi omunye wabadlali wayevame ukubhema insango njalo ngesikhathi sekhefu.
Kwaphela inyanga ezimbalwa elokhu ephikelela ngokungipha imbanje. Ekucineni ngazizama futhi ngaqala ukuzibhema. Bobabili lababantu baqhubekela kwezinye izidakamizwa njenge-LSD, i-opium lezidakamizwa ezinika amandla.”
Nxa becabanga ngalokho, khathesi njengoba bengasazidli izidakamizwa, bathi lokhu kwabangelwa yikuyengana njengabantu abatsha.
UNkosi uthi: “Ngangingakaze ngicabange ukuthi ngizake ngizidle izidakamizwa.
Zinengi ezinye izinto ezandise ukusetshenziswa kubi njengezidakamizwa. Phakathi kwalezi kukhona ukudangala emoyeni, ukukhangelelwa phansi kanye lokungabi lenjongo yokuphila. Ezinye izizatho zinkinga zezomnotho, ukuswela imisebenzi, ukufelwa ngabazali lokuba labazali abayizibonelo ezimbi.
Abanye abalenkinga ebudlelwaneni labantu basebenzisa izidakamizwa ukuze zibasize benelise ukukhangelana lesimo. Bakholwa ukuthi izidakamizwa zibenza bazizwe behlakaniphile futhi bethandwa.
Abanye bakuthola kulula ukudla izidakamizwa kulokwamukela umthwalo wokulawula ukuphila kwabo.
Ezokuzijabulisa zigcwele kodwa zisetshenziswa kubi njengezidakamizwa.
Abaculi abanengi bandise ukuba sengozini yokusebenzisa izidakamizwa eziyingozi empilweni ngesikhathi esithile empilweni zabo. Osaziwayo bamabhayisikopo abanengi baphila ngezidakamizwa.
Inhlanganiso ezikhangele abantwana koBulawayo zabalomhlangano eNtumbane kuD-Square zikhankasela ukuthi abatsha bangasebenzisi izidakamizwa njalo babexoxisana labanye abalodubo lokuzisebenzisa.
Inhlanganiso yeTrinity iyenelise ukuxwayisa abatsha.
Asihlanganeni kuviki ezayo.
Xhumana lomlobi ku 0773195055, [email protected]
