uMthunywa
Ethel Ncube
INHLANGANISO ebona ngezifuyo ikhuthaza abafuyi ukuba bafake inkomo zabo umtshiso kanye lamathegi ukuze nxa sezilahlekile kubelula ukuzithola.
Kulezinsuku amasela enkomo abhahile endaweni ezinengi zelizwe, kungakho lokhu kuqakathekile ukuze nxa inkomo zithe zacatsha kungabinzima ukuzithola.
UMnumzana Brian Dube osebenza ngaphansi kwenhlanganiso yeLivestock Production ubikele iphephandaba ukuba kuqakathekile ukuba inkomo zibe lemininingwane yazo yonke eyaneleyo.
Ekhuluma lentatheli uMnumzana Brian Dube onguLivestock Officer uveze ukuba abafuyi abangekeli izifuyo zabo zingelamtshiso.
icici
“Ukufaka inkomo yakho umtshiso kanye lamacici (ear tag) ubona ukuqakatheka kwakhona izifuyo sezilahlekile. Abafuyileyo kabafake amacici abe lenombolo zabo lendawo ukuze nxa inkomo silahlekile oyibonayo enelise ukukutshayela ucingo masinyane. Nxa inkomo zakho zingatshontshwa akulula ukuthi akhiphe umtshiso esifuyweni kungakho sikhuthaza abafuyileyo ukuba bafake umtshiso ezifuyweni zabo,” kubika uMnu Dube.
Uqhubekele phambili wathi umtshiso awufakwa enkomeni kuphela.
“Izifuyo ezinjengabombuzi obabhemi labo kabafakwe imitshiso lamacici. Umtshiso uyazikhethela wena ukuthi ufuna ukufaka wuphi ezifuyweni zakho. Nxa sudinga inkomo uyatsho ebantwini ukuthi ngilahlekelwe zinkomo zilomtshiso onje okuzenza ubelakho ukuthi uzibone kumbe uzithole masinyane,” kuphetha uMnu Dube.
