Kukhonye i-Australia

10 Aug, 2023 - 00:08 0 Views
Kukhonye i-Australia

uMthunywa

I-AUSTRALIA izithobe amanxeba okuphunyukelwa yinkezo yomhlaba yango-2019, ngesikhathi inqoba i-England nge-61-45 kumdlalo wokucina kumncintiswano walonyaka obubanjelwe eCape Town International Convention Centre eKapa ngeSonto ebusuku.

I-Australia ibingene emdlalweni lo ngokuqumba phansi iJamaica nge 57-54 kumdlalo owandulela owokucina, ikanti i-England idlule kuNew Zealand nge 46-40.

Iqembu le-Australia, ama-Diamonds

Iqembu le-Australia, ama-Diamonds, lingene kulumdlalo selivele liyiphakamise amahlandla angu-11 inkezo le, ikanti iRoses ye-England ibiqala ukudlala kumdlalo wokucina wenkezo.

Amaqembu la ebeke ahlangana esigabeni sesibili samaqoqo, kwanqoba i-England nge 56-55, ngakho bekulindelwe ukuthi azaphinda adibane ngokufinyelela umdlalo wokucina.

Ukuzimisela kwama-Diamonds kukhiphe umdladla kubadlali, abaphangise baligaxa ibhola emambuleni kukota yakuqala yomdlalo. Lokhu kuyibeke phambili ngamabhola amane. Lwehlile uvalo kuqembu leNgilandi sekusiyaphela ikota yakuqala, yaphela zibambene nge 13-13.

Kukota yesibili i-Australia ibilokhu ihamba phambili ngamabhola amabili, kwathi iRoses isehluleka ukusebenzisa amathuba ayo ikhokhele ngamabhola amane. Kuhanjwe ekhefini isihamba phambili nge 27-23.

Share This:

Sponsored Links

Survey


We value your opinion! Take a moment to complete our survey

This will close in 20 seconds