uMthunywa
UMDENI kaMampintsha ubonge abantu ngokuwusekela ngokuvalelisa lo mculi ngokuthi ingoma yeqembu lakhe iBig Nuz ihlukanise umnyaka kuKhozi FM.
I-Big Nuz ihlukanise ngengoma yayo iNgekeepike kuyo uDJ Yamza. Bese kulesikhathi yagcina ukukhipha ndawonye.
“Sijabule, sibonga uNkulunkulu labantu baseNingizimu Afrika ngokuhlonipha uMampintsha. Akwenziwanga ngumdeni, kwenziwe ngabantu abebemthanda, siyabonga njengomdeni,” kutsho okhulumela umdeni uZandile Maphumulo.
UMampintsha utshone ngoMpalakazi mhlaka 24, ngemva kokuhlaselwa yisifo sohlangothi. Ungcwatshwe ngoLwesihlanu, emathuneni aseLalakahle, eHillcrest.
Uzakwabo kaMampintsha abecula laye eqenjini, uDanger, uthe ujabule yize ephatheke kabi ngokutshiywa nguMampintsha.
iBig NUZ
“Kuhlale kuyinjabulo, ngeke ungajabuli lawe uma uhlukanise umnyaka. Sithokozile yize sitshiywe ubafo kodwa akukho esizokwenza, impilo kumele iqhubeke.
“Siyabonga kubantu abavotile, bangapheli moya baqhubeke benze njalo bayeseke iNuz ngoba asiyilutho ngaphandle kwabo. Abangaphumelelanga sithi kufana lokudlala ibhola, wonke umuntu usuke efuna kuwine iqembu lakhe. Lalapha kuba njalo kumele kuwine oyedwa. Abaduduzeke baphinde bazame bengapheli moya,” kutsho uDanger.
UZandile uthe uBabes Wodumo, umkaMampintsha, nguye osehlalelwe ngumsebenzi wokwenza isiqiniseko sokuthi igama lakhe kalitshabalali.
UBabes ubonakale okokuqala ngemuva komngcwabo enandisa emcimbini iLast Dance Music Festival, e-Oval Cricket Stadium, eMgungundlovu ngoMgqibelo ebusuku.
“UBabes loMampintsha bebengahlukani ngoba abantu uma betshadile bamunye.
Njengoba watsho loMbhishobhi uThabani Maphumulo emngcwabeni ukuthi umdeni awulindele ukuthi ahlale phansi kodwa akaqhubeke aye phambili. Siyakuthokozela akwenzayo. UBabes ulengane okumele ayibheke. Uzoligcina igama likaMampintsha liphila ngoba ubesebenzisana laye. Bakhona loDJ Tira, Danger, Tzozo loBoonu labo bonke abebeseduze.” – Isolezwe
