Uncategorized

Kuhlahlelwe obesanda kuphuma ejele kubangwa umakwapheni

21 May, 2020 - 09:05 0 Views
Kuhlahlelwe obesanda kuphuma ejele kubangwa umakwapheni

uMthunywa

Intatheli kaMthunywa           

ZILOKHU zibabaza sisga esenzakale endaweni yazo izakhamizi zeFort Rixon ngemva kokuba amanye amadoda elwe ebanga umakwapheni okubangele ukuthi enye icine isisfa ngeviki ephelileyo.

Kubikwa uSam Gasela uhlahlele lo osengumuyi ngehloka ethi usefuna ukumthathela umakhwapheni wakhe akade athandana laye emudla imali. Abasiki bebunda bathi uGasela ubetshinga esithi ngeke athathelwe umfazi ngumuntukazana yena sowakhipha imali enengi ekondleni umakhwapheni lo.

Ekhuluma lentatheli kaMthunywa uMnumzana Phethani Khabo uveze ukuthi kubeyisi phansi phezulu kwatshotshobala amadoda sekulwiwa ngesikhathi umsolwa ebulala umuyi.

“Kube yisiphansi phezulu kungancengwana kugomela indoda ngoba uSam efunge wagomela  wathi ufuna umuyi ayifunde ivaliwe ngoba uyadelela ufuna ukuthatha umakhwapheni okade wadla imali yakhe. “USam umane wahlahlela umuyi ngehloka ngoba ubethukuthele okwesambane. Indlela amgamule ngayo ibinzima nanko phela ubengani ubanda inkuni yena ehlahlela umuntu,” kutsho uMnu Khabo.

Uqhubekele phambili njalo esithi lokhu kube buhlungu ngoba undoda lo osengumuyi ubengomunye wabakhitshwe ejele ngohlelo lukaMongameli lokuxolela ababotshiweyo kungakho ke ubelamaviki amalutshwane nje ephumile entolongweni.

“Abantu abanengi sebeze befisa ukuthi ngabe wazihlalela phakathi ejele ngabe uyaphila. Abanye bathi abonelayo okuyikho okwabangela ukuthi abotshwe bavela bafunga bathi uzazibonela ngoba uthinte abangathintwayo. Kusitshiye sikhakhamele silapha sitshelwe ngamathe kukhanya kwaba lesifungo esibi lapha,” kulandisa uMnu Khabo.

Share This:

Sponsored Links