Ethel Ncube
KWEHLE iyezi elimnyama kwenye imuli yeMberegwa ngemva kokugalula kwabantwana ababili bemuli yinye echibini.
Isehlakalo lesi senzakala ngeviki ephelileyo lapho uSetfree Gwezuva asuka lonkosikazi wakhe uNarita Shoko besiya emhlanganweni batshiya abantwana bodwa bedlala kuze kwenzakale ingozi le.
ulnspector Emmanuel Mahoko
Kubikwa ekuphendukeni kwabo ilanga selisiya ngomtsha wendoda bathola abantwana ababili oleminyaka eyisithupha lomzawakhe oleminyaka emine sebegalule echibini elitshona okwemitha lengxenye.
Kwabikelwa izakhamizi ezenelisa ukukhipha izidumbu echibini leli.
Isikhulumi samapholisa eMidlands uInspector Emmanuel Mahoko uthe bamukele umbiko wokufa kwabantwana ababili bemuli yinye ngemva kokugalula echibini.
Sikhuthaza uzulu ukuba angatshiyi abantwana bebodwa ukuze sivikele ukulahleka kwemphefumulo,” kuphetha uInsp Mahoko.