Uncategorized

Kufa ingane (9) indlu itshaywa lizulu

28 Feb, 2019 - 00:02 0 Views
Kufa ingane (9) indlu itshaywa lizulu

uMthunywa

Thokozile Mbedzi

ZISAMANGELE izakhamizi zeSithakeni eGwanda ngemva kokuba izulu litshise indlu lapho obekulele khona abantwana abane kwafa oyedwa oleminyaka eyisificamunwe munye.

Umuyi uPrayer Mdlongwa oleminyaka engu-9 kanye labanye abathathu basinda ngesikhala senalithi behlelwe ngamashwa la ngoMvulo phakathi kwamabili  kuyonale iviki.

Kubikwa ngalelolanga kwana izulu elikhulu elilesiqhotho okwabangela ukuthi imizi eminengi isale idilikile.

Uyisemkhulu kamuyi uMnumzana Ndidivhani Moyo uthe umonakalo lo umzwisa ubuhlungu ngoba yena ubesele kwenye indlu abanye bonke sebelele.

“Ngilusizi ngoba angizange ngithole ithuba lokuncedisa umzukulu wami ngoba ngithe ngiphaphama kulokuduma okukhulu njalo lokuzamazama indlu yonke. Kungakho ngithe ngivuka ngahle ngagijimela ekamelweni labantwana lapho akade belele khona, ngithe  ngingena endlini ngahle ngahlangabezwa yintuthu ehle yangihitsha kodwa njengomuntu oyindoda ngaqunga isibindi ngangena ukuba ngibone ukuthi abantwana banjani ngathola abanye sebevukile bama ngenyawo kodwa uPrayer elokhu elele phansi ethe daca engela ngitsho langubo lwangitshaya lwangeqa uvalo ngoba kuhle kwaba sobala ukuthi akusamanga kuhle ngendlela ayelimele ngayo njalo esemnyama okwesabekayo,” kutsho uMnu Moyo.

“Ngizame ukumbamba ngisithi mhlawumbe kusaselempilo umzukulu wami usaphila kodwa ngabona ukuthi sedlule. 

Omunye wabomakhelwane bakoMoyo uMnumzana Bhekimpilo Sebata uthe izulu eline ngoMvulo belilikhulu kakhulu njalo koMoyo babizwa ngumkhosi.

Isikhulumi samapholisa esabelweni seMatabeleland South uInspector Philisani Ndebele ebuzwa ngaloludaba uthe kalukafiki endlebeni zabo.

“Udaba lolu besingakalutholi njengoba kube ngumonakalo odalwe lizulu kungakho lokuhamba kwembiko kuyaphuza,” kuphetha uInsp Ndebele.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds