uMthunywa
OWAYENGUMBHUKUDI wakweleSouth Africa odumileyo uCameron van der Burgh uthi usephile legcikwane le-coronavirus amalanga angu-15.
Kusenzeka lokhu nje izolo imidlalo yama-Olympic obekulindelwe ukuthi idlalelwe eTokyo ngoNtulikazi ihlehlisiwe, izadlalwa ngomnyaka ozayo, ngenxa yaleli gcikwane.
Lo umbhukudi, othathe umhlalaphansi ngo-2018, ukhunjulwa kakhulu ngo-2012, ngesikhathi ehlabana ngendondo yegolide kuma-Olympic, ebhukuda kwi-100m breakstroke.
UVan der Burgh (31) uchaze ukuphathwa yileligcikwane eselidumise okwemali, njengento enzima kulazo zonke empilweni yakhe, laye akafiseli muntu ukuthi ehlelwe yile nkiyankiya.
Babalelwa emakhulwini amahlanu abantu asebehanqwe yileli gcikwane kuleli, selokhu libhedukile emasontweni edlule.
Ekhuluma labalandeli bakhe kuTwitter, uVan der Burgh uthe uzizwa engumqemane, egcizelela ukuthi akabhemi ugwayi okwenza amaphaphu akhe asebenze kahle.
“Sengiphile laleli gciwane insuku ezingu-14 (etsho ngoMsombuluko). I-corona iyethusa kakhulu lakuba ngazi kuhle ukuthi ngiphile saka, angibhemi lamaphaphu ami asebenza kuhle. Kuyasiza kakhulu ukuphila impilo enhle ngokuzivocavoca ngoba kwenza izifo zingakuxaki kakhulu,” kutsho uVan der Burgh.
Ngenxa yaleli gcikwane kuvalwe yonke into kweleSouth Africa kusuka ngoLwesihlanu esiya kuyo, kuze kube ngu-mhlaka 16 Mabasa.
Le ngenye yezindlela uHulumende azama ngayo ukunqanda lolu bhubhane. Izitolo lezinye izindawo ezihlanganisa abantu abanengi zizavalwa njengoba kuzanywa ukuthi abantu bahlale emakhaya. Kulabo abayizephulamthetho uMongameli welizwe uCyril Ramaphosa uveze ukuthi amasotsha lamapholisa bazoqikelela ukuthi okumele kuvalwe kungasebenzi, ngempela kuyavalwa.
Eqhubeka echaza, uVan Der Burgh, uthe uyezwelana kakhulu labasubathi abaziphilisa ngezemidlalo njengoba leli gcikwane libhokile umhlaba wonke jikelele. “Ngenxa yokubanjwa yileli gcikwane, ngitshintshe indlela yokuphila. Kungabanzima kakhulu kubasubathi uma bengahanqwa yileli gcikwane njengamanje ikakhulukazi uma kuza umqhudelwano omkhulu,” kutsho uVan der Burgh.
Ebholeni lezinyawo kuvalwe ngehlahla njengoba wonke amaligi ahlonitshwayo emhlabeni kubalwa lePremier Soccer League (PSL), emisiwe.
