Nkosilathi Sibanda
UHULUMENDE usedlulisele phambili ukuvulwa kwezikolo ngamaviki amabili.
Iqula labaphathintambo bakaHulumende elikuKhabhinethi lethule lumbiko lo ngemva komhlangano elibelawo ngoLwesibili.
Izikolo zakuleli bekukhangelelwe ukuthi zivulwe mhlaka 28 kulinyanga, kodwa lokhu kwedluliselwe phambili ngenxa yokwanda kwabantu ababanjwa belegcikwane leCovid-19.
UNobhala jikelele kugatsha olubona ngezokukhitshwa kwembiko kaHulumende uNick Mangwana ubike lokhu ebulenjini beTwitter.
“Isizwe saziswa ukuba iKhabinethi isidlulisele phambili ukuvulwa kwezikolo ngamaviki amabili,” kutsho uMangwana.
“UHulumende uzaqhubeka ehlolisisa isimo njalo isizwe sizaziswa ngalokhu.”
@NkosieLegend