Kudliwa inyama kuBosso

04 Jun, 2020 - 19:06 0 Views
Kudliwa inyama kuBosso UFarai Taruvinga

uMthunywa

Nkosilathi Sibanda
IHIGHLANDERS kulezi insuku ihlekela esikhewini kulandela ukuthola usizo lwemali lenyama yenkomo, ngesikhathi iqembu libike emphakathini ukuthi liyehluleka ukugcina abadlali lezisebenzi zalo.

Kuncede uFarai Taruvinga usomabhizimusi weFilabusi, ophinda abengumsekeli weBosso uqobo, ngokuzwa ukuthi iqembu lisebunzimeni waphangisa wangena esibayeni, wengeza ngokukhipha i$50 000 yokuholisa abadlali.

UTaruvinga ungummeli weNsiza North ePhalamende. Unikeze umdlali munye ngamunye i5kg yenyama. Isipho sikaTaruvinga sifike ngesikhathi iBosso isicabange ukuthi iqume iholo labadlali ngesilinganiso samatshumi amahlanu ekhulwini (50 percent).

UTaruvinga uthe angeke akhangele eceleni iqembu lisehluleka ngalesisikhathi imidlalo ivaliwe ngenxa yokumemetheka kwegcikwane leCovid-19.

“Singabambana sisonke, iqembu lethu angeke lithwale nzima. Ngizwe ukuba iqembu lilenkinga ngakho kungithintile ukuthi ngenze umlandu wami wokuncedisa,” kutsho usomabhizimusi lo.

Ukaputeni weHighlanders uAriel Sibanda uthe njengabadlali babonge kakhulu umusa kaTaruvinga labanye abasekeli abaqhubeka bebanceda inkundla zivaliwe.

“Kuyisibonelo sokuthi abasekeli bethu balothando olumangalisayo. Akuqhubeke kunje ngaso sonke isikhathi. Njengabadlali siyabonga.”

Umgcinisihlalo uKenneth Mhlophe uthe iqembu lidinga usizo lokuthi lenelise ukuqhuba inhlelo zalo.

“UTaruvinga wehlise umthwalo eqenjini. Siyambonga ngesenzo sakhe. Iqembu lizaqhubeka lidinga usizo ngoba iHighlanders yithimu yabantu, ayifani lamanye amaqembu asekelwa ngamankampani,” kutsho uMhlophe.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds