YiNtatheli kaMthunywa
ISITSHONA ibhoda egangeni leGumtree koBulawayo imuli yakoGabela kulandela ukucatsha kukayisemkhulu oleminyaka yokuzalwa engu-95.
Imuli le isabalala iganga lonke izama ukuthola umkhondo kaMnumzana Solomon Nkosana Gabela owacina ukubonakala mhlaka 29 Nkwenkwezi 2021 khonale eGumtree.
Kubikwa ngelanga esuka ngekhaya uKhulu uGabela wayeselula inyawo epulazini, njalo wayegqoke impahla zokusebenza i-worksuit, izicathulo kunye lekepesi eluhlaza ehamba ngodondolo lwakhe.
Elinye ilunga lemuli le, uKalasa Malunguza utshele uMthunywa ukuthi njengemuli badidekile ngokucatsha kukaKhulu.
“UKhulu samcina ezibhodela nje epulazini kodwa kazange aphenduke ilanga litshona. UKhulu wayehamba ngesigodo.
“Kulezinsuku uKhulu ubeselomkhuhlane wokukhohlwa. Sicela ongabe esazi ukuthi uKhulu ungaphi athinte uKalasa kunombolo ezithi 0772901613 kumbe atshele amapholisa aseduzane laye,” kutsho uKalasa.