Kudela owaziyo kuCastle Lager

25 Nov, 2021 - 00:11 0 Views
Kudela owaziyo kuCastle Lager

uMthunywa

Nkosilathi Sibanda
KULESIDINGO sokuthi abadlali beHighlanders balolonge ngokuzikhandla njengoba kusiza umdlalo omkhulu obadibanisa leNgezi Platinum ngeSonto.

Lo ngumbono kamqeqetshi waqembu uMandla “Lulu” Mpofu. Umdlalo lo, ozabe useBarbourfields, ngowakuqala kumaqembu womabili, kuligi yeCastle Lager.

UMpofu ukhuluma kanje ngoba kuyindaba esegudwini eyokuxega kweqembu lakhe ngemva kwamaphutha amabi enziwa ngabadlali kumkhankaso weChibuku Super.

Umqeqetshi lo usegcizelele kwezwakala ukuthi umsebenzi wakhe uyawenza kodwa iqembu lisuka libe lomnyama enkundleni.

IBosso iphenduke ihlaya kuzitha zayo esezikubona ukuba iyaxega emuva.

UMpofu ucine ephumele sobala ngokuthi amaphutha usewabonile.

“Siyakulungisa. Ngumdlalo wethu wakuqala weligi ngakho kumele siphume sinqobile. Akula enye indlela,” kutsho uMpofu ekhuluma lephephandaba likazulu phakathi kwaliviki ngesikhathi eqeda ukulolonga iqembu.

“Sikhona isidingo sokuthi labadlali baziphakamise ngoba umdlalo ngowabo. Sizabalolonga sihlose impumela enhle ngeSonto. Kumele batshaye amabhola.”

Eminye imidlalo ekhona kuzadibana iCranborne Bullets leBulawayo Chiefs eHarare ngoLwesihlanu. IChicken Inn inxuswe yiFC Platinum.

IBulawayo City izangqikilana leManica Diamonds eMagumeni ngoMgqibelo.

Imidlalo yeCastle Lager kulimpelaviki:

NgoLwesihlanu: Cranborne Bullets FC v Bulawayo Chiefs (National Sports Stadium)

NgoMgqibelo: FC Platinum v Chicken Inn (Mandava), Yadah v ZPC Kariba (Baobab), Herentals v Black Rhinos FC (National Sports Stadium),

Bulawayo City v Manica Diamonds (Barbourfields Stadium), Tenax CS v Whawha FC (Sakubva)

NgeSonto: Highlanders v Ngezi Platinum Stars (Barbourfields), Triangle United v Dynamos (Gibbo),
Caps United v Harare City (National Sports Stadium)

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds