Uncategorized

Kubulewe abane besolwa ngokuloya

09 May, 2019 - 00:05 0 Views
Kubulewe abane besolwa ngokuloya

uMthunywa

KUSOLWA umbango wemindeni lokuthakatha ngokubulawa kwabesifazane abane abadutshulwe eMsinga emizini yabo. Lezi zigameko zitshiye umphakathi weMachunwini usesaba. 

UNkosikazi Thembekile Mchunu (79), udutshulwe ehlezi yedwa kwakhe esigodini eKhuthala, kuthiwa ubesolwa ababulali ngokuthi nguye othakatha umfana ongumakhelwane wakhe, obekuthiwa wahlasela umdeni kaMchunu ekuqaleni komnyaka. 

NgeSonto kuthiwa abasolwa basuka kwaNkkz Mchunu, bahlasela uNkosazana Sonto Mthembu, esigodini eGunjini, obehlezi lezingane zakhe labazali bakhe. 

Kuthiwa abasolwa bafike bamdubula qede bazihambela.

Abasolwa kuthiwa basuke lapho bayahlasela uNkosikazi Khumbuzile Ngubane (45), esigodini eGunjini, yena ubevela esontweni. 

Kuthiwa umyeni kaNkkz Ngubane, osekomitini elixazulula udlame endaweni, ubesawelele kwesinye isigodi eyobhonga emswaneni emzini wakwaMchunu obesekufiwe kuwo.

Kuthiwa usale yedwa unkosikazi njengoba ubevela esontweni, bafika bamhlasela ababulali. 

Abasolwa kuthiwa babe sebehamba emgwaqweni bafica imota imile, kukhona uthitsha lomunye owesifazane ngaphakathi, bavulela ngenhlamvu lakubona. 

Kutshone owesifazane, uthitsha wesilisa waphuthunyiselwa esibhedlela. Umthombo weSolezwe osondelene lodaba, ongathandanga ukudalulwa, uthe abasolwa kulezi zigameko ezenzeke ngeSonto, yibona abebesolwa ngokuhlasela kwaMchunu. 

“Umphakathi uhlalele evalweni ngemva kwalezi zigameko zokubulawa kwabantu besifazane ngesibhamu. Into eyenzekile laba bafana abangabasolwa bebethinteka ekubulaweni kwabantu abadutshulwe ekuqaleni komnyaka. Kube lekomiti ebelibhekele ukuxazulula loludaba. Sengathi lokhu abazange bakuthande abasolwa njengoba laba abahlaselwe kuthiwa bebekhuluma kakhulu futhi befuna babotshwe. Ugogo omdala, abaqale ngaye bekulezinsongo zokuthi uthakatha omunye wabasolwa,” kutsho umthombo. 

Omunye umthombo osondelene lophenyo utshele Isolezwe ukuthi amagobolondo ezinhlamvu ezisetshenziswe ezigamekweni abefana, okwenza babone ukuthi babulawe ngabantu ababodwa. 

Okhulumela amapholisa KwaZulu-Natal uLt Col Thulani Zwane uthe baphenya amacala amane okubulala, lelilodwa lokuzama ukubulala. 

“Amapholisa aseMsinga aphenya amacala emuva kokudutshulwa kwabesifazane abane eMachunwini eMsinga. 

Omunye osindile uyiswe esibhedlela. Ubedutshulwe esiphongweni. Kuyaphenywa ngalezi zigameko,” kusho uZwane. 

Ayizange iphumelele imizamo yokuthola inkosi yendawo uNgangendlovu Mchunu yendawo, okuthiwa ibiphansi phezulu izama ukuxazulula lo mbango, ucingo lwayo belungangeni.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds