Uncategorized

Kubulawe ingane yakopolwa amehlo

25 Mar, 2021 - 00:03 0 Views
Kubulawe ingane yakopolwa amehlo

uMthunywa

UTSHAQEKILE umphakathi weMagagadolo, KwaCeza emva kokutholwa kwesidumbu sengane eyintombazane elezinyanga ezingu-17 sikhitshwe amehlo, sigcotshwe lemithi emilenzeni.

Isolezwe lithole ukuthi ingane yabikwa ngumdeni wayo emapholiseni ukuthi idukile ngoLwesihlanu kwathi ngeSonto kwatholakala isidumbu sayo.

Kuthiwa ngabo9 ekuseni yayidlala lezinye izingane zakubo egcekeni.

Kuthe unina esebiza izingane ukuba zizodla wabona ukuthi ayikho yona lokuthi nxa ebuza ukuthi ikuphi kwatholakala ukuthi ezinye izingane azikwazi.

Ube eseqala ukuyikhangela watshela labomndeni kodwa lutho ukuyithola baze bayabika emapholiseni.

Omunye osondelene lomndeni kodwa ocele ukungadalulwa ngenxa yesihluku esenzeke enganeni, uthe batshaqekile ngokwenzeke kule ndawo yabo bayaqala ukukubona.

“Sisathukile ngobulwane obungaka obenziwe enganeni elezinyanga ezingu-17. Sesithemba ukuthi igazi lomuntu liyakhuluma, siyathemba uzovela obala owenze lesi senzo. Ibingakwazi lokuhamba le ngane kuyacaca ukuthi kulesigilamkhuba esiyebile,” kuchaza yena.

Uthe ingane bayibheka kusukela ngoLwesihlanu langoMgqibelo bengayitholi.

Kuthe ngeSonto babiza umthandazi ofike wabakhomba ukuthi abayobheka ehlathini elingezansi komuzi.

“Sithe uma sesibheka ngezansi komuzi sabona uphaqa wengane eyayiwugqokile, sathi uma siqhubeka sibheka sathola isidumbu sayo sikhitshwe amehlo, sigcotshwe imithi emilenzeni. Siphatheke kabi ngalesi senzo,” kutsho yena.

Uthe babe sebebiza amapholisa athathe isidumbu avula lecala.

UCol Thembeka Mbele wamapholisa KwaZulu-Natal usiqinisekisile lesi sigameko wathi amapholisa aKwaCeza aphenya icala lokubulala.

Uthe okwamanje akekho obotshiweyo kodwa amapholisa ayaqhubeka ngokuphenya.

Ibamba bukhosi lakwaButhelezi, uMnuz Mpikayise Buthelezi lithe batshaqekile ngalesi senzo ngoba siyaqala ukwenzeka endaweni.

“Ngibize umhlangano ozoba ngoLwesithathu ozaphenya ukuthi ngubani obulale ingane. Umhlangano uzaba seDamba khona lapha eMagagadolo. Ngiyaqala ukubona isihluku esinje kule minyaka engu-61 esengiyiphilile.

“Ngiyafisa ukutshela isizwe ukuthi singazijeziseli abasolwayo kodwa sinike amapholisa ithuba. Umhlangano ngiwubizele lokuthi ngikhulume lesizwe ngoba uma uzwa izinkulumo ezikhulunywayo uyabona ukuthi umndeni uzolimazana,” kutsho uButhelezi. — Ubulembu.

Share This:

Sponsored Links