Uncategorized

Kubotshwe umakhelwane ngokufa kobezifela ngebhola

11 May, 2023 - 00:05 0 Views
Kubotshwe umakhelwane ngokufa kobezifela ngebhola

uMthunywa

UFUNA kwenziwe ubulungiswa umdeni wakoShezi eMganka, eBhobhoyi ngaphandle kwePort Shepstone, kulandela ukubulawa kwendodana yawo ngomakhelwane beyisola ngokugqekeza, maqede bahlanza isidumbu sayo legazi lapho ebulawelwe khona ngoLwesihlanu ebusuku.

Ngokuthola kwentatheli, kufike abafana bakamakhelwane abebehamba lowesifazane bezodinga uMnu Sizwe Shezi (25), bethi bazombuza ukuthi kungabe kunguye yini ogqekeze ngakibo ngoba unina uthe ufanise yena kwababegqekeza.

Kuthiwa uMnu Shezi uthe makuyiwe khona kamakhelwane yikho umama ezozibonela ukuthi kayisuye lo acabanga ukuthi umbonile.

“Uphumile wahamba labo lathi sanganaki ngoba siyamazi ukuthi ungumuntu onjani futhi besazi ukuthi akakaze agqekeze ndawo njengoba ebengumfana okhonze ukudlala ibhola kuphela. Uhambe labo labo sazitshela ukuthi udaba lolo luzalungiseka,” kutsho uNkkz Busisiwe Mdingi, ongubabakazi kamufi.

Ngokuthola kwaleli phephandaba, kuthiwa omunye wabasolwa ocine ebotshiwe uveze ukuthi bathe uma befika umama wakulu muzi obekugqekezwe kuwo wathi kayisuye uMnu Shezi ambonileyo. “Kuthiwa loba etshonjalo umfana walapho wakhipha ingqamu wamhlaba kanye esibeleni kwesobunxele watshonela khona lapho. Baqede lapho bayomlahla bude buduze lomtholampilo ngemva kokuwugeza umzimba wakhe ngoba isidumbu sakhe sitholakale singenalo igazi izigqoko abezigqokile zimanzi zingelalo legazi kucaca ukuthi ziwatshiwe,”kutsho uNkkz Mdingi.

Ilanga likhulume lomdeni uphuma emakhazeni ukade uyobheka isidumbu sakhe uMnu Shezi, uqinisekisile ukuthi ulenxeba elilodwa emzimbeni.
Amalunga alo omdeni athi ayafisa ukuthi kwenzeke ubulungiswa njengoba umama lo okwenzeke isigameko kwakhe kuthiwa nguye ohlanze igazi likamufi emzini wakhe ecitsha ubufakazi.

“Inkinga iqale amapholisa esethola isidumbu sakhe sidindilizile eduze lomtholampilo silenxeba kodwa kungekho gazi, okuyilapho kubonakale khona ukuthi kabulawelwanga lapho etholakale khona,” kutsho lesi sihlobo.

Lumdeni uthi okubaphatha kabi kakhulu yikuthi bayazana labasolwa unina kamufi ubesonta ndawonye lomama kamsolwa.

“Bayazana kakhulu omama balezi zingane, kungani bengafunanga ikhulunywe lindaba uma kulenkinga, ubebulawelwani uSizwe uma sekutshiwo ukuthi akusiye ogqekezileyo.

“Ukuhlanzwa kwegazi lokungabizwa kwamapholisa ngemva kwesehlakalo kutsho ukuthi bebezama ukulahla umkhondo kube sengathi ubulawe ngabanye abantu okuyinto esikhathazayo,” kutsho ilunga lomdeni.
Omunye wabomakhelwane okhulume lephephandaba le-Ilanga, ocele igama lakhe lingavezwa, umchaze njengomfana obethanda ezemidlalo.

“Njengoba ebengasebenzi nje ubebamba amatoho lapha lalaphayana, esaziwa ngokuthanda kakhulu ibhola njengoba ebehlezi ehamba labangani bakhe besiya dlala ibhola noma ukulibukela,” kutsho lumakhelwane.

Okhulumela amapholisa eKwaZulu-Natal, uCol Robert Netsiunda, uqinisekisile ukuthi kuvulwe icala lokubulala lokuthi ukhona umsolwa obotshiweyo okulindeleke ukuthi avele enkantolo maduze. -Ilanga

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds