Abacuphi izolo babophe umfundisi uShepherd Bushiri, umholi webandla i-Enlightened Christian Gathering (ECG), lenkosikazi yakhe uMary bebasola ngenkohlakalo kaR102 million
ABACUPHI ngoLwesibili babophe umfundisi Shepherd Bushiri, umholi webandla i-Enlightened Christian Gathering (ECG), lonkosikazi wakhe uMary bebasola ngenkohlakalo yeR102 miliyoni.
Okhulumela abacuphi, uColonel Katlego Mogale, uthe bane abantu ababotshiweyo.
“Kubotshwe abantu abane ngecala lenkohlakalo lelokushushumbisa imali engalinganiselwa kuR102 million okubalwa kubo umfundisi oleminyaka ephakathi kuka-25 le-39. Abacuphi babophe abatshadile ngoMgqibelo, owesifazane ubotshwe eSandton umyeni wakhe wabotshwa e-OR Tambo International airport. Ababili kubo – oWillah Mudolo lo-Zethu Mudolo – bavele enkantolo yasePitoli. Icala lihlehliselwe * -kumhlaka 30 Mfumfu abayocela ngawo ibheyili,” kutsho uColonel Mogale.
Uthe: “NgoLwesibili ithimba labaphenyi liphinde labopha abatshadile ngecala elifanayo. Owesifazane oleminyaka engu-39, ubotshwe kwakhe, lomyeni wakhe oleminyaka engu-37, oke wazama ukubalekela ukubotshwa. Ugcine ezinikele emapholiseni aseSilverton ehamba lethimba labameli bakhe.”
Okhulumela ibandla likaBushiri, uMnu Ephraim Nyondo, ukhiphe isitatimende ethi oKlebe babophe uNkk Bushiri ngaphambi kokuba kube lomhlangano obuhleliwe.
“Abacuphi bazise abaphathi bethu, uMphurofethi Shepherd Bushiri loMphrofethikazi uMary Bushiri, ntambama ngoMgqibelo ukuthi bafike emahovisi abo kungakatshayi * -11 ekuseni ngoLwesibili, bafike labameli babo ngodaba lophenyo abalwenzayo ngenkampani okuthiwa iRising Estate,” kutsho uNyondo.
Uthe batshelwe ukuthi umphofethi ubesalungiselela ukuya kulo mhlangano labameli ngo-11, kwabe sekufika abacuphi emzini wakhe.
Uthe uBushiri uye kozinikela emuva kokuba kubotshwe unkosikazi yakhe. — Ubulembu