uMthunywa
ZIMKHALELE owesifazane osolwa ngokutshaya umyeni wakhe ngembodlela ye-mayonnaise watshona e-Aliwal North e-Eastern Cape ngoMgqibelo.
Kusolakala ukuthi laba abathetheneyo bafike ekhaya ‘‘bebukhile’’ bevela ezitolo ukuyothenga ngoLwesihlanu. Ebusuku babelengxabano, “umufi oleminyaka engu-33 watshaya umsolwa ekhanda ngesikhathi epheka,” kutsho uWarrant Officer Moitheri Bojabotsena. Kusolakala ukuthi umsolwa ube eseziphindiselela wajikijela umufi ngebhodlela ye-mayonnaise.
“Amambodlela asike umufi engalweni yakhe yangakwesokudla wopha kakhulu. Abezimo eziphuthumayo babiziwe khepha umufi wanqaba ukwelatshwa. Laba ababili kubikwa baqhubeke ngokunatha basebesiyalala,” kusho uBojabotsena.
Umsolwa uthe ubone ukuthi umyeni wakhe usetshonile kusisa.
“Amapholisa aqale uphenyo abe esebopha umsolwa. Kulindeleke ukuthi avele enkantolo lamhlanje,” kutsho yena. — Isolezwe
