Uncategorized

Kubotshwe ababili ngokutshontsha inkomo ezingu-10

12 Jan, 2023 - 00:01 0 Views
Kubotshwe ababili  ngokutshontsha  inkomo ezingu-10

uMthunywa

Thokozile Mbedzi

KUBOTSHWE amasela amabili esigabeni seHingwe eMadlambuzi ngemva kokutshontsha lokubulala inkomo ezilitshumi.

Kubikwa uBhekabantu Bhekisiso Dube oleminyaka engu-47 yokuzalwa wesigabeni sakoDlamini, eTsholotsho loNaison Ncube oleminyaka engu-52 weTsholotsho babotshwe kuviki ephelileyo besolwa ngamacala okutshontsha inkomo kusukela mhlaka 17 Mpalakazi 2022 kusiya kumhlaka ka 3 Zibandlela 2023.

Isikhulumi samapholisa esabelweni seMatabeleland South uInspector Loveness Mangena uthe amapholisa abophe amadoda amabili eTsholotsho asolwa ngokutshontsha inkomo ePlumtree.

“Amapholisa abophe uNaison Ncube emsola ngecala lokutshontsha inkomo ezilitshumi wasechaza omunye abesebenzisana laye uBhekabantu Dube.

“Ababili laba batshontsha inkomo  zikaThandani Khuphe loHarrison. Inkomo lezi zatshontshwa kusukela ngenyanga kaMpalakazi nyakenye kusiza kulonyaka.

“Ababili laba sebebotshiwe kutholakale amabhera amane, lama-ear tags ayisithupha njengoba inkomo besezibulewe, kodwa ukhakhayi belusesekhona.

“Eyodwa ibithengiselwe esinye isakhamuzi kukanti ezinye ezimbili zabaleka,” kulandisa uInsp Mangena.

uInspector Loveness Mangena

“Abafuyileyo bakhuthazwa ukuthi baqaphele amasela njalo babone ukuba izifuyo zabo ziyeluswa kukanti kungenzakala ukuthi zitshotshwe babikele amapholisa ukuze umkhondo wazo ulandelwe masinya, izikhumba lamabhera kungakafihlwa.

“Sixwayisa abafuyileyo njalo ukuthi baxwaye umkhuba wokuxotshela inkomo kungelabelusi ngoba amasela asebenzisa amathuba lawo ukutshontsha izifuyo,” kuphetha uInsp Mangena.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds